Jump to content

Лагунэ

Тхыгъэр къыздрахар Уикипедиэ
Ишхъэрэ Джэрмэным и хы Ӏуфэ лагунэ.

Лагунэ (лат-бз. lacus — псыхъурей) — хым ерэ псыхъурейм, зэву пшахъуэ техьакӀэ е коралл рифкӀэ къыгуэгъэщхьэхукӀа псылъэ цӀыкӀу.

Псом нэхъ нэхъ цӀэрыӀуэ лагунэу ябж — Венециэ лагунэр. Япэм щыгъуэ лагунэкӀэ зэджэу щтар а зырат. ТӀэкӀу тӀэкӀурэ а цӀр мыдрей хы Ӏуфэм дегъэубыда чэндж псылъэхэм иреджахэу хъуащ.

Лагунэхэм зэхуэщӀа щӀыкӀэ зэраӀэм щхьа, ахэр бзухэм, бдзэжейхэм, хьэкӀэкхъуэкӀэхэм я хъумэпӀэу щытщ. ЭкологиэмкӀэ нэхъ пщӀэ зиӀэ лагунэхэр дуней хъумапӀэ организациэхэм яхъумахэр.

Лагунэм псы куэд хэлъадэу щтымэ, абы и псыр псы хэлъадэм ещхьу мэхъури хым и псым ину къащхьэщыкӀыу мэхъу. Псалъэм папщӀэ Курш е Калининград хыжьэхэр. Апхуэдэм деж ахэр я щытымкӀэ тэманхэм нэхъ ящхь мэхъухэр. Хы ФӀыцӀэрэ хы МыутӀэрэ я хы Ӏуфэм Ӏут тэманхэм я нэхъыбапӀэм я щытыкӀэр апхуэдэщ.

Абы нэмыщӀ лагунэхэр езы-езыурэ къохъу хым къытрах щӀыпӀэхэм деж. Псалъэм папщӀэ Нидерлэндхэм я лагунэхэм я нэхъыбапӀэр апхуэдэущ къызэрыхъуар.

ӀэрыщӀ лагунэ[зэгъэзэхуэжын | кодыр зэгъэзэхуэжын]

Иджырей зэманым, кӀуэхукӀэ нэхъ зызужьа къэралхэм я хы Ӏуфэм ӀэрыщӀ лагунэхэр ӀуащӀыхьу щӀадзэащ.

Псалъэм папщӀэ Дубай къалэм и кӀуэцӀ дыдэм хуэзэу дунейм и нэхъ ин дыдэ ӀэрыщӀ лагунэ иращӀыхь.[1].

Нэхъ ин лагунэхэр[зэгъэзэхуэжын | кодыр зэгъэзэхуэжын]

Дунейм и нэхъ ин лагунэхэр Бразилэм и ипшэ лъэнакъэумкӀэ щыӀэ лагунэхэращ. Ауэ иныкъуэхэм Тыркуменистэным и хыжьэ Къарэ-Богаз гуэлыр лагунэу ябж. Апхуэдэу хъумэ дунейм и нэхъ ин дыдэ лагунэу а хыжьэращ хъуащ.

Ауэ Еуропэм и лагунэхэр инагъкӀэ абыхэм къакӀэрыхухэми, дунейм ахэр нэхъ щыцӀэрыӀуэхэщ.

Сурэтылъэ[зэгъэзэхуэжын | кодыр зэгъэзэхуэжын]

ТехьэпӀэхэр[зэгъэзэхуэжын | кодыр зэгъэзэхуэжын]

Лагунэ

Гулъытэгъуэ[зэгъэзэхуэжын | кодыр зэгъэзэхуэжын]