Интерстеллэр
| Интерстеллэр | |
| Interstellar | |
| Жанр |
щIэнгъуазэ фантастикэ |
|---|---|
| Режиссор |
Кристофер Нолан |
| Продусер |
Кристофер Нолан, |
| Зыхэзылъхьар |
Джонэтэн Нолан, |
| Оператор |
Хьойте Ван Хьойтемэ |
| Композитор |
Хьанс Циммер |
| Нэхъыщхьэу хэтхэр |
Меттиу МакКоннаухи, |
| Кинокомпаниэ |
Paramount Pictures, |
| ЗэрекIуэкIыр |
169 дакъикъэкIэ |
| ТрагъэкIуэдар |
165 000 000 доллару |
| Къэрал | |
| Бзэ | |
| Гъэ | |
| IMDb | |
Интерстеллэр (ин-бз. Interstellar — «Вагъуэ зэхуаку») — режиссор Кристофер Нолан триха щIэнгъуазэу фантастикэ филм, Джонэтэн Ноланрэ Кип Торнрэ зэхэлъхьа тхыдэм къыхэкIыу. Кинор топсэлъыхь хьэршым лъэта лъыхъуакIуэ гупым, зэман-утыку зекIуапIэ къагъуэтахэмкIэ цIыхум хьэршым хузэфIэмыкIын зэхуакушхуэхэр абыкIэ къракIухьыну хуежахэм. Кином и тхыдэр зэхэзылъхьар Крстофер Нолан и къуэш Джонэтэн Ноланщ, абы тхыгъэ зэхилъхьар къызэтехъукIар Кип Торн и щIэнгъуазэ лэжьыгъэ физикэ теориэхэращ.
Кино техын Iуэхухэр япэ щIыкIэ студиэ Paramount Pictures-рат щIэздзар, ауэ зэкъуэш Ноланхэм кином елэжьын щIадза иуж, абыхэм я кинохэр къыдэзыгъэкI хабзэу щыт Warner Bros. кином ахэм ягъусэу елэжьын щIидзащ. Езы кинор тезыхар Syncopy и Lynda Obst Productions компаниэхэращ. Оператор папщIэу кином елэжьащ Хьойте Ван Хьойтемэ. Комрозитору уващ Кристофер Нолан и еуж кинохэм елэжьа Хьанс Циммер.
Кинор трахащ 2013 гъэм и етIуанэ Iыхьэм, Алберт провинциэм (Канадэ), Лос-Анджелес (АШЗ), Ислэнд и ипшэ щIыпIэхэм.
Жэпуэгъуэм и 27-м кином и япэ гъэлъагъуэхэр щIадзащ, дунейм и къалэ нэхъ ин хахахэм. ЩакIуэуэгъуэм и 5, кином дунейпсо гъэлъэгъуэныр щIидзащ.
Зэтеухуар[зэгъэзэхуэжын | edit source]
Ди лъахъэнэм икухэм къэхъуа гъушапIэшхуэм, цIыхухэр шхынкIуэд кризис бжэIупэм деж Iуигъувахэщ. ЦIыхухэм а гъей къэкIуам къыхэкIыу, дунейм текIуэдыкIыжын щIадзэ. Абы къэхэкIыу, хьэршым ди щIылъэм пэмыжыжэу Iэзэхэм къыщагъуэта зэман-утэку зекIуэпIэр къагъэсэбэпу, цIыхухэм гугъэ ящI абы илъэтыкIыу нэгъуэщI дуней ущыпсэу хъун къыщагъуэту Iэпхъуэнухэу. Дуней ущыпсэу хъунхэр къалъыхъуэну хьэршым ягъэлъатэхэр астронавт гуп.
Нэхъыщхьэу хэтхэр[зэгъэзэхуэжын | edit source]
.jpg)
- Меттиу МакКоннаухи — Купер
- Энн Хьетеуей — Амелиэ Бранд
- Джессикэ Честейн — Мёрф
- Маккензи Фой — Мёрф (сабийуэ)
- Эллен Бёрстин — Мёрф (жьыуэ)
- Кейси Аффлек — Том
- Тимоти Чаламет — Том (сабийуэ)
- Уиллиам Дивайн — Том (жьыуэ)
- Майкл Кейн — профессор Бранд
- Уес Бентли — Дойл
- Дэвид Гиаси — Роммили
- Джон Литгоу — Доналд
- Тофер Грейс — Гетти
- Дэвид Ойелоуэ — директэр
- Элиес Габел —
- Коллет Вулф — мисс Келли
- Леа Кейрнс — Лоис
- Ленэ Георгас — Ниурз
- Билл Ирвинс — ТАРС (макъкIэ)
- Джош Стиуарт — КЕЙС (макъкIэ)
Зэрелэжьар[зэгъэзэхуэжын | edit source]
Кином елэжьын щIадзащ 2006 гъэм и бадзэуэгъуэм, студиэ Paramount Pictures-рэ Стивен Спилебргрэ, Кип Торн и теориэхэм теухуауэ кино трахыну щыжаIам щыгъуэ.
2007 гъэм и гъатэпэ мазэм, Джонэтэн Нолэн кином и тхыдэр зэхилъхьэн щIидзащ, ауэ кинор илъэс куэдкIэ зэхалъхьэн пIэм икIакъым, Стивен Спилберг кинор трихыну зэрыхущIегъуэжам щхьа.
2013 гъэм и пэщIэдзапIэм Кристофер Нолан епсэлъэн щIидзащ Paramount Pictures Warner Bros. студиэхэм кином и режиссору зэрагъэувыным теухуауэ. МазитI дэкIа иуж ар кином и режиссору ягъуващ.
Езы кинор трахын щIадзащ 2013 гъэм шыщхьэIум и 6-м, Канадэм и Албертэ провинциэм. Абы иуж кинор трахын пащащ Ислэндым и ипшэ-къухьэпIэ щIыпIэхэм. ИтIанэ Лос-Анджелес кинор трахын щаухащ 2013 гъэм и дыгъэгъазэ мазэм.
Дыгъагъазэм и 14-м кином и япэ тизер къыдэкIащ, кинор зэтеухуауэ щытынур къыхигъэщу.
Жэпуэгъуэм и япэ махуэм кином и ещанэу еуж трейлерыр къыдагъэкIащ. Абы иуж кинор къызэрыдагъэкIынум и Iуэхухэр зэрахуэн щIадзащ.