Абэсэкъашт
Шэу еутӀупщыгъэу чъэрэм зыкъебгъэлэлэхынышъ, абасэу чӀыгум телъыр къэпштэныр ары. Ар нахь къэштэгъуае зэрэхъуным пае е мэшэ цӀыкӀоу см. I0 зикууагъэм ралъхьэщтыгъ, е ащ фэдиз зилъэгэгъэ пхъэ такъыр цӀыкӀум тыралъхьэщтыгъ. Машэм уиӀабэнышъ къипхын фэягъэ, пхъэ такъырыр умыгъэсысэу, умыгъэушъорэкӀэу абасыр къытепхын фэягъэ. ЩыӀагъэх абасым ычӀыпӀэкӀэ нэмыкӀ хьап-щыпхэр къэзыштэщтыгъэхэр. Джэгум къырихьылӀэгъэ шыухэм янахьыбэ къин къащымыхъоу абасри нэмыкӀ пкъыгъохэри шыр зэрэчъэрэм тетэу къаштэщтыгъ.