Алыджей

Алыджей Республикэ Ελληνική Δημοκρατία
Алыджейм и нып Алыджейм и дэмыгъэ 38.301111, 23.741111
Гоуидзэр: «Ἐλευθερία ἤ Θάνατος (хуитыныгъэ иэ лӀэныгъэ)»
Къэрал уэрэд: «Хуитыныгъэм и уэрэд (Ύμνος εις την Ελευθερία)» ( едэӀун (info))
Нэхъышъхьэбзэхэр	алыджыбзэ
Къалэ нэхъышъхьэр	Афинхэр
Къалэ нэхъ инхэр	Афинхэр, Салоники, Пирей
ӀэнатӀэ хабзэр	Парламент Республикэ
Президент Премиер-Министр	Карлос Папулиас Папандреу Георгиос
ШӀыпӀэр • Псори • % псым пӀэуэ иубыдыр	96-нэ дунем 131.957 км² 0, 86
Къэралым и джылэр • ЗэралъытэмкӀэ (2010) • Ӏувагъыр	11.306.183 цӀыху 85 цӀыху/км²
ВКӀуП   • КъыхэкӀыр (2009)   • Зы цӀыхум къытехуэр	$344,404 млрд.  (32-нэ) $30.856
Этнохоронимыр	алыдж алыджхэ
Сомыр (Валутэр)	Еуро
Интернет-доменхэр	.gr иэ .eu
Телефон кодыр	++30
Зэманыгъуэхэр	+2; гъэмахуэм +3

Алыджей (ал-бз. Ελλάδα; и цӀэр псоуэ — Алыджей Республикэ; тхыдэмкӀэ ицӀэр — Ελληνική Δημοκρατία) — Еуропэм и ипщэ-къуэкӀыпӀэм хэт хэку, Бэлкан тӀууащӀэм тету. ИщхъэрэмкӀэ и гъунапкъэр Албаниэ, Македониэм, Болгариэм ядежым ирокӀуэщ, ищхъэрэ-къуэкӀыпӀэмкӀэ — Тыркум. КъуэкӀыпӀэмкӀэ Хы Эгейр Ӏулъщ, къухьэпӀмкӀэ — Хы Ионэр, ипщэмкӀэ — Хы Курытым. Къэралым езы алыджхэм яцӀэмкӀэ теӀуа. Къалащхьэр — Афинэхэр

КъухьэпӀэ ицивилизациэ здызэфӀэувар, япэре демократ къэралхэр къыздежьар Алыджейращ.

Хэкумэтхыр

Алыджейр Бэлкан тӀууащӀэм и ипщэмрэ Анадолейм къыбгэдэлъ хы тӀыгухэмрэ ящӀыгъуу тет, псори зэхэту км² 131 994 мэхъущ. И гъунапкъэр Албаным, япэре Югэслау Республикэ Македониэм, Болгариэм, Тыркум джоуэ ирокӀуэ. Хы Ӏуфу Курытым, абы хэту: Ионэ, Эгейхэм ягъунэхэр. Крит хы тӀыгум ищхъэрэ Ӏуфэр Хы Ливиим Ӏулъщ. Абы нэмыщӀу Алыджейм минитӀ хы тӀыгу хэт, ар къэралым 20 % щӀыпӀэщ.

Алыджым ищӀыпӀэр щыуэ бгуэш хъунущ, ар:

• Мэтерикым тет Алыджыр, абы хыхьэ: Македониэ (Флоринэ, Пэллэ), Фракиэ (Родопи, Кавала), Эпир (Теспротиэ, Превезэ), Фесалиэ (Ларисэ, Магнисиэ) Алыджеикур (Фтиотидэ, Фокидэ, Аттикэ). Ионэ хы тӀыгухэри абы хабжэ
• Пелопоннес - Алыджым и хы тӀыгу нэхъ ин. Еуропэ ицивилизациэм и щӀыналъэр, къыздикӀар аращ, Аркадиэ, Лакониэ, Месиниэ... хэкухэр здэщыӀар абдеж.
• Хы Эгей и хы тӀыгухэр, абы янэхъ инхэр Крит - Алыджейм и нэхъ ин, Еуропэм 8-рей (8259 км²), Эвбеэ - Критым яуж етӀуанэу (3654 км²).

Администрациэ гуэшыгъуэр

Алыджейр къедзыгъуэ 13 зэхэтщ, ахэр 54 номэ-кӀэ (префектурэ) гуэшащ. Абы нэмыщӀу зы аутоном къедзыгъуэ иӀэщ - Айон-Орос, Афон Ӏуащхьэм игъунэгъу. Ар шоджэн къэрал, ӀэнатӀэр зыӀыгъыр - хасэ, чылисэ 20-кӀым ящыщу.

Алыджейи и администрациэ гуэшыгъуэр

Алыджейм и къедзыгъуэхэр

1. КъуэкӀыпӀэ Македониэмрэ Фракиэмрэ     2. Курыт Македониэ     3. КъухьэпӀэ Македониэ     4. Фесалиэ     5. Эпир     6. Ион хытӀыгухэр     7. КъухьэпӀэ Алыджей     8. Курыт Алыджей     9. Пелопонес     10. Атика     11. Крит     12. Ипщэ Эгей хытӀыгухэр     13. Ищхъэрэ Эгей хытӀыгухэр

Къалэ нэхъ инхэмрэ, джылэ дэсымрэ

• Афинэхэр - 745, 514
• Фесалоники - 363, 987
• Пирей - 175, 697
• Патрас - 160, 400
• Гераклион - 130, 914
• Перистери - 137, 918
• Лариса - 124, 394
• Калифеэ - 109, 609

Лэпкъ дэсхэр

Нэхъ лъэпкъ ин къэралым исыр алыджхэращ - 90%. Лъэпкъхэр Алыджейм иджыри къыздынэсым динымкӀэ зэрагуэшыр (Уэсмэн империэм и хабзу къэнауэ)

• Фракымрэ Додикан хы тӀыгухэм дэс мыслимэнхэр, тыркухэр яхэту - 1%
• Помакхэр (болгарыбзэ зезыхьа лъэпкъ мыслимэн) - 0,3%
• Цыджан мыслимэнхэр - 0,1%

Этногрэфхэм бзэкӀэ лъэпкъ къыхагъэкӀхэр:

• Албанхэр - 4% (арнаутхэр яхэту)
• Слауаныбзэ зезыхьэ алыджхэр е македон слауанхэр - 1,2 %
• Аромунхэр - 1,1 % (мегленитхэр яхэту)
• Чристэн цыджанхэр - 0,8 %
• Сербхэр - 0,3 %
• Хьэрыпхэр - 0,3 %
• Журтхэр - 0,05 %