Гренадэ
Гренадэ (инджылыз. Grenada [ɪrɪˈneɪdə]) - Кариб хым и ипщэ-къуэкӏыпӏэ лъэныкъуэмкӏэ щыӏэ хытӏыгу къэрал, Гренадэ хытӏыгумрэ Гренадинэ хытӏыгухэм я ипщэ лъэныкъуэмрэ Антильскэ хытӏыгу Цӏыкӏухэм я гупым щеубыд, Тринидад ищхъэрэкӏэ 120 километрэ пэжыжьэу.[1]
Тхыдэ
[зэгъэзэхуэжын | кодыр зэгъэзэхуэжын]Гренад хытӏыгухэр Колумб 1498 гъэм Къызэӏуихащ Америкэм ещанэу щесым. Хытӏыгур индей-карибхэм щыпсэурт. Хытӏыгум щыяпэ европей жылагъуэхэр испанхэм, итӏанэ франджыхэм, инджылызхэм къызэрагъэпэщащ. 1609 гъэм и мэлыжьыхьым Робинсонрэ Годфрирэ я унафэм щӏэт инджылыз экспедицэм колоние-жылагъуэ къызэригъэпэщыну хэтащ, арщхьэкӏэ абыхэм яухуа быдапӏэ жылагъуэр хэкурысхэм ебгъэрыкӏуэри зэтракъутащ, колонистхэм я нэхъыбэр яукӏат. [2]
Франджым хытӏыгур 1650 гъэм къищэхуа. Мартиникэм и губернаторым хытӏыгум къыщызэригъэпэща европейхэм я жылагъуэшхуэ, иужькӏэ Сент-Джорджес хъуа. Щӏыпӏэм щыпсэухэр европейхэм 1655 гъэм зэтраукӏэпа. Франджыхэм Гренадэм тутынрэ индигорэ, итӏанэ — бжьэхуцрэ мускат дэрэ щагъэкӏыу хуежьа. Плантацэхэм щылэжьэну Африкэм пщылӏхэр кърашырт. 1763 гъэм хытӏыгур британхэм яубыдат, ауэ франджыхэм ар 1779 гъэм иратыжа. Хытӏыгур Инджылызым хуэкӏуэпа 1783 гъэм Версаль зэгурыӏуэныгъэкӏэ. 1885 гъэм къыщыщӏэдзауэ 1956 гъэ пщӏондэ Гренадэр британием и колонием Хэтащ Британием И Жьы Зыщӏэт хытӏыгухэр, 1958 гъэм и щӏышылэм къыщыщӏэдзауэ 1962 гъэм и накъыгъэ пщӏондэ Вест — Индие федерацэм хэтащ. [3]
1967 гъэм Гренадэм къэрал кӏуэцӏ самоуправленэ иратащ. Британием и зэныбжьэгъугъэм хэту щхьэхуитыныгъэр 1974 гъэм къаӏэрыхьащ. 1974 гъэм и мэлыжьыхьым Гренадэр Кариб зэгухьэныгъэм хэтащ, 1974 гъэм и фокӏадэм ООН-м хагъэхьащ[7]. 1970 гъэхэм политикэ гъащӏэм щытепщэу щытащ Гейри Эрик зи пашэ гренадэм и лейборист парт Зэгуэтыр. Гейризмэм и режимыр кӏуэ пэтми авторитар тетыкӏэхэмкӏэ къыхэщырт. 1979 гъэм лъыншэ пэлъытэ путч къэхъуащ, абы къыхэкӏыу КОММУНИСТ идеологие зиӏэ НДМ партыр властым къекӏуэлӏащ, Бишоп Морис и унафэм щӏэт цӏыхубэ-революцэ правительствэр игъэуври. Гренадэм СССР-мрэ Кубэмрэ псынщӏэу быдэу япыщӏащ. Кубэдэсхэм дунейпсо аэропортыр ухуэн щӏадзащ, абы ИГЪЭПӀЕЙТЕЯЩ аэропортыр Кубэм зауэ ӏуэхукӏэ къигъэсэбэпынкӏэ шынэ США-р. Гренад Цӏыхубэ-революцэ армэр къуэкӏыпӏэ-кариб щӏыналъэм ӏэщэкӏэ зэщӏэузэда и къару нэхъ ин дыдэ хъуащ. Ӏэщэкӏэ зэщӏэузэда къаруущӏэхэм хыхьэрт парт милицэри, полицэри, псы ӏуфэ хъумакӏуэри. 1983 гъэм и жэпуэгъуэм Гренадэм и унафэщӏхэм зэгуэкӏыныгъэ, итӏанэ зэхъуэкӏыныгъэ къыщыхъуащ, абы къыхэкӏыу Бишоп Корд Бернард зи пашэ фракционерхэм яукӏащ. Властым Къекӏуэлӏащ Революцэ дзэ советыр. Абы къыкӏэлъыкӏуащ америкэ теуэныгъэр («Urgent Fury»операцэр). Хытӏыгур яубыдащ, ӏэщэкӏэ пэщӏэува кубэм и ухуакӏуэхэр ӏэщэншэ ящӏри Кубэм ягъэӏэпхъуащ, кубэм и цӏыху 27-рэ хэкӏуэдащ. Правительствэм Пӏалъэкӏэ чэнджэщакӏуэ советым И унафэщӏу Щытащ Николас Брэтуэйт.[4]
Ссылкхэр
[зэгъэзэхуэжын | кодыр зэгъэзэхуэжын]- ↑ Атлас мира: Максимально подробная информация / Руководители проекта: А. Н. Бушнев, А. П. Притворов. — Москва: АСТ, 2017. — С. 85. — 96 с. — ISBN 978-5-17-10261-4.
- ↑ Beverley A. Steele. Grenada. A History of its People. Macmillan. 2003. pp. 35-36 ISBN 0-201-52396-5
- ↑ Латинская Америка. Энциклопедический справочник (в 2-х тт.) / редколл, гл.ред. В. В. Вольский. Том I. М., «Советская энциклопедия», 1979. стр.474-476
- ↑ А. Н. Гордиенко. Энциклопедия Военного Искусства. Войны второй половины XX века. / А. Н. Гордиенко. — Минск: Литература, 1998. — С. 510. — 542 с. — ISBN 985-437-507-2