Адыгэ Псалъэжьхэр

• А зы цIыхум щэ укъигъапцIэмэ уделэ, а зы мащэм щэ уихуэмэ унэф.
• Абрэмывэрэ пэт зы пIэм илъкъьм.
• Адакъэр мыIуэкIи, нэху щын къанэркъым.
• Адакъэрэ пэт джэджьейр егъашхэ.
• Адыгэ и хьэщIэр быдапIэ исщ.
• Адыгэ мыгъуэ шыгъурэ пIастэрэ.
• Адыгэ хабзэр адэ щIэиныжьщ.
• Адыгэм хьэщIэ и щIасэщ.
• Адыгэм я нэхъ тхьэмыщкIэри бысымщ.
• Адыгэр сыт щыгъуи Адыгэщ.
• Адыгэшыр АдыгэлIым и щIылъэныкъуэщ.
• Адэ лIэужьыншэрэ лыншэ къупщхьэрэ зэлъытащ.
• Адэ мылъку бын гъэкIуэдщ.
• Адэм хуэмыгъасэр анэм хуэумыскъым.
• Ажал зимыIэ щыIэкъым.
• АжалитI щыщымыIэкIэ а зэ лIэгъуэм лIыгъэ хэлъхьэ.
• Ажалым «сынокIуэ» жиIэркъым.
• Ажалым пхъуантэ кIуэцIми укъыщигъуэтынщ.
• Ажалым умылъыхъуэ, езым укъигъуэтынщ.
• Ажалыр бжэщхьэIум нэхърэ нэхъ благъэщ.
• Ажалыр гуфIакIэм дэсщ/дэлъщ.
• Ажэми/бжэнми жьакIэ тетщ.
• Ажэр мэлым я пашэщ.
• Акъыл зиIэм жагъуэгъу и куэдщ.
• Акъыл зиIэм и Iуэхур махуищщ, акъылыншэм и махуэ махуищщ.
• Акъыл зиIэм имыIэ щыIэкъым.
• Акъыл зиIэм шыIэ иIэщ.
• Акъыл зиIэр еджэнкIэ ирикъуркъым.
• Акъыл зиIэр си щIыб ису къезухьэкI.
• Акъыл зиIэм уеущиймэ, фIыщIэ къыпхуищIынщ, акъылыншэм ауан укъищIынщ.
• Акъыл зимыIэм насып иIэкъым.
• Акъыл зимыIэм уэуейр ептын?
• Акъыл зимыIэр тхьэмыIщкIэщ..
• Акъыл кIэщIыр бзэгу кIыхьщ.
• Акъыл эиIэр акъылыншэми йочэнджэщ.
• Акъылым и лъапсэр чэнджэщщ.
• Акъылым уасэ иIэкъым, гъэсэныгъэм гъунэ иIэкъым.
• Акъылым и анэр гупсысэщ. (Eksik)
• Акъылыр былымщ. (Eksik)
• Акъылыр Iуэхум и лъапсэщ.
• Акъылыр жыжьэу маплъэ, нэр абы и лъагъуэ ирокIуэ.
• Акъылыр жьакIэм ежьэркъым.
• Акъылыр жьыгъэ-щIагъэкъым.
• Акъылыр лэндыщэщ, гъэсэныгъэр дыщэ жыгщ.
• Акъылыр мэлъыхъуэ, насыпым къегъуэт.
• Акъылыр ящэркъым, къащэхуркъым, зыхалъхьэ.
• АкъылыфIэм делэми бзэ къыхуегъуэт.
• Анэ гыбзэр быдз зэхуакум дэкIкъым.
• Анэ быдзышэм щIакхъуэри кхъуейри хэлъщ.
• Анэ зимыIэ сабийр, адэ иIэми ибафэщ.
• Анэ зимыIэм гуIэр и махуэщ.
• Анэ иIэмэ, сабийр ибэкъым.
• Анэ шыпхъу анэ палъэщи, адэ къуэш адэ палъэш.
• Анэгур гуауэ пхъуантэщ.
• АнэдэкIуэрэ лIы дэкIуасэрэ емыкIу хэлъкъым.
• Анэдэлъху дзыр хъужыркъым.
• Анэм быныр и зэхуэдэщ.
• Анэм и гъуапэр пхъум и джанэщ/щыдэжынщ.
• Анэм и Iэр ину иIэтми, хуэму/цIыкIуу тохуэ, анэнэпIэсым хуэму иIэтми, ину тохуэ.
• Анэм и бгъафэр фом нэхърэ нэхъ IэфIщ.
• Анэм и бгъафэр хъурыфэ джэдыгущ.
• Анэм и быным хуищIэр фIэмащIэщ.
• Анэм и куэщIыр сабийм и гущэщ.
• Анэм и хабзэр лхъум и бзыщхъэщ.
• Анэм къыуипэсыр гунэсщ/гъэгунэс.
• Анэм къыуитыр IэфIщ.
• Анэм лъэгу щIэтын зыхуэщI.
• Анэм сыт щыгъуи быныр сабий къыщохъу.
• АнэнэпIэсым хуэпщIэр фIэмащIэщ, къыпхуищIэр фIэкуэдщ.
• АнэнэпIэсыр уэсым нэхърэ нэхъ щIыIэщ, зэзым нэхърэ нэхъ дыджщ.
• Анэпсэр фоупсым хуэдэщ.
• Анэр нэм хуэдэщ, адэр дэм хуэдэщ.
• Аргъуей мыдзакъэ щыIэкъым.
• Арму и унэ лъэбышэщ.
• Армум хиса жыгыр мэгъу.
• Аслъэн пэтрэ ягъасэ. (Eksik)
• Ахъшэ зи куэдыр дыгъум щошынэ.
• Ахъшэ мыбж зэIахыркъым.
• Ахъшэ уиIэмэ, бохъшэ бгъуэтынщ.
• Ахъшэ умыIыгъыу бэзэрым укIуэри, джыдэ умыIыгъыу мэзым укIуэри зэхуэдэщ.
• Ахъшэр бзум хуэдэщ, къыбжьэхолъатэ, IолъэтыкIыж.
• Ахъшэр къыздикIам мэкIуэж.
• Ахъшэр псым хуэдэщ.
• Ахъшэр пшахъуэщи, гъащIэр пцIащхъуэщ.
• Ахъшэр убыдыгъуейщ.
• Ахъшэр уи жып илъу IэфIу уигъэжейркъым.
• Ахъшэр щэ бжыгъуэщ.
• Ахъшэр Iэгурылъхьэ-Iэгурыхщ.
• Бабыщ псым итхьэлэкъым, мэлыхъуэ хьэм ишхкъым.
• Бабыщыр есыкIэ ягъасэркъым.
• Бадзэ и дзапэ узылъэщ.
• Бажэм дыгъужьибл къегъапцIэ.
• Бажэм и фэр и бийщ.
• Бажэм и хьилагъэр япэ итщ.
• Бажэм я нэхъ Iущыр и гъуэм щаубыд.
• Бажэр ныбажэ хъумэ, дыгъэмыхъуэ мэлъыхъуэ.
• Бажэр ущу ежьэмэ, мэщакIуэ.
• Банэ хуэдэу къэщтэж, данэ хуэдэу гъэтIылъыж. / Банэ хуэдэ зэхэплъхьэр данэ хуэдэу зэхэпхыжынщи, данэ хуэдэ зэхэплъхьэр банэ хуэдэ зэхэпхыжынщ.
• Бгъеям куэдрэ укIэлъымыгъыж.
• Бгъэжыр уи пашэмэ, къуршым урешэ, къуанщIэр уи пашэмэ Iейм ухуешэ. / Бзаджэ уи пашэмэ, бзаджэ ухуешэ. / ЦIыв уи пашэмэ, вэнвейм ухуешэ. / Гъуэгу зымыщIэ пашэм хьэвейм ухешэ.
• Бгъэплъыщэмэ, мывэри зэгуоуд.
• Бгъэр бгъэкIэ ягъасэ, былымыр былымкIэ къагъуэт.
• Бгъэр куэдрэ уэмэ, и дамэр мэкъутэ.
• Бейм и гугъу ящIурэ, тхьэмыщкIэм и уэздыгъэр мэс.
• Бейм и хьэ удз ехъу.
• БжьакъуитI щхьэкIэ хъун бэгъуам хокIыж.
• Бжьыхьэ бадзэ дзакъэрейщ.
• Бжьыхьэ жэщ щэрэ минщ.
• Бжьыхьэ мафIэр гуапэщ.
• Бжьыхьэпэ уэфIрэ пщы IупэфIэгъурэ.
• Бжьэ зэмыдзэкъам фом иуасэр ищIэркъым.
• Бжьэ матэ зи куэдым и жьантIэ дегъэувэ.
• Бжьэм фо здэщыIэр ещIэ. / Фо зыдэщыIэр бжьэм къащIэ.
• Бжьэр гъэгъам лъатэ хабзэщ.
• Бжьэрэ пэт я бжьапцIэр яукIыж.
• Бжьэхуцым мафIэ пхухэгъэпщкIуэнкъым.
• Бжэмышх нэщI жьэм хуахьыркъым.
• Бжэн къуийр псым хэплъэмэ, «сыщIалэщ» жеIэ.
• Бжэн щынэ къилъхуркъым.
• Бзаджэ гъусэм мысэ уещI.
• Бзаджэ пщIэныр лIыгъэкъым, лIыгъэр фIы пщIэнырщ.
• Бзаджэм и бзаджагъэр япэ кърегъэщ.
• Бзаджэм ишх фIым хуеIуатэ.
• Бзаджэм ищIэр фIым трелъхьэ.
• Бзаджэм уи кIэ иубыдмэ, пыупщIи блэкI.
• Бзаджэм фIыр доунэхъу.
• Бзаджэр унэхъущ, бзаджэм IущIэри унэхъущ.
• Бзаджэр чэнджэщэгъу умыщI.
• Бзаджэри дахэм егъэIумпIафIэ.
• Бзум и лыр, и лэпсщ. / Бзум и лым хуэдэщ и лэпсри. / И лым хуэдэщ и лэпсри. / Аргъуейм и лым хуэдэщ и лэпсри.
• Бзур зыIэтыр дамэщ, цIыхур зыlэтыр акъылщ.
• Бзурэ пэт абгъуэ ещI.
• Бзылъхугъэ зыдимыс хъулъхугъэрэ зи анэ зи мыгъусэ сабийрэ зэхуэдэщ.
• Бзылъхугъэ щымыукIытэм напэ иIэкъым.
• Бзылъхугъэр акъыл жан.
• Бзыури и абгъуэм щылIыбланэщ. / Дзыгъуэ пэтрэ и гъуэ щылIыхъужьщ.
• Бзэгум цIыхур зэрегъэукI.
• Бзэгур гум и тэрмэшщ.
• Бзэр зэзым нэхърэ нэхъ дыджщ, фом нэхърэ нэхъ IэфIщ, джатэм нэхърэ нэхъ жанщ.
• Бзэр цIыху лъэпкъым ипсэщ.
• Биижь благъэ хъуркъым, благъэжь бий хъуркъым.
• Бийм уи щIыб хумыгъазэ.
• Бийм ущысхьмэ, уIэгъэ ухъунщ.
• Благъэ жыжьэ нэхърэ гъунэгъуфI. / Благъэ жыжьэ нэхърэ къуэш гъунэгъу. / Благъэ жыжьэ нэхърэ гъунэгъу-жэрэгъу.
• Благъэжьрэ дыжьыныжьрэ.
• Благъэжь хыфIумыдзэ, гъуэгужь умыбгынэ.
• Благъэри къурэ щхьэкIэм къыпащIыкIкъым.
• Бланэ щалъху мэкӀуэж/йокIуэж/йокIуэлIэж.
• Бланэм и лъагъуи и убыди зы хъукъым.
• Блэ зэуар аркъэным щощтэ.
• Блэр «пIыщIащ» жыпIэу уи гуфIакIэм думыгъэтIысхьэ. / Блэр «пIыщIащ» жыпIэу и кIэм утемыувэ. / Блэр «мэжей» жыпIэу и кIэм утемыувэ.
• Блэр бэгмэ, и гъуэм ихуэжыркъым.
• Блэр зыгъэхуэбэжым йодзэкъэж/йоуэ.
• Блэр зытраукIэр и шэрэзщ.
• Блэр уеуэху мэбэг.
• Блэрэ къэпщи зэ пыупщI.
• Быдэ и анэ гъыркъым.
• Былым къыпщIын нэхърэ быныфI къыпщIын.
• Былым къыпэкIу нэхърэ насып къыпэкIу.
• Былымаблэм былым хуэщщ.
• Былымрэ пэт зэхотэдж. / Жэмрэ вырэ зэхуотэдж.
• Былымым зейр и ажалщ.
• Былымыр жьы зэрыхъур и фэщ.
• Былымыр уэсэпсщ, цIыхупсэр маещ.
• Былымыр уэсэпсым хуэдэщ. / Мылъкур уэсэпсщ.
• Бын зимыIэ адэрэ лы зытемылъ къупщхьэрэ.
• Бын зимыIэр зы гуныкъуэгъуэщи, бын куэд зиIэр гуныкъуэгъуищэщ.
• Бын зыщIэмыхъуэр и щхьэ щIотIахъуэ.
• Быныр дыгъуэмэ, анэр мыгъуэ мэхъу.
• Быныр насыпщ.
• Бысым гуащэщIэ хьэщIэ и щIасэд.
• Бысымыр хьэщIэм и IуэхутхьэбзащIэщ.
• БэлагъыкIыр зыIыгъым хьэ къарибгъу щогугъу.
• Бэлэрыгъ и Iыхьэр хьэм фIешх.
• Бэлэрыгъым гъатхэр къыхуэлъэщ/хуэлъэщ.
• Бэлэрыгъыр гъэр мэхъу.
• Бэр зэкъуэтмэ текIуэныгъэщ.
• Бэр зэщIэхъаемэ, щIыр къагъэхъей.
• Вы зымыIэм щкIэ щIэщIэр.
• Вы ныш нэхърэ нэщхъыфIэ.
• Вы хъунур шкIэ щIыкIэ уощIэ.
• Выгъашхэри зобзеиж.
• Выжь и махуапщIэ выщIэ и уасэщ.
• Вым еубзэ, шым езауэ.
• Вым и бжьакъуэ и хьэлъэкъым.
• Выр жьы хъумэ, шкIэм хаутIыпщхьэж.
• Выр щIащIэну бжьы щрахьэлIэм «Сэ сыжэмщ» жиIащ, къашыну пэгун щрахьэлIэм «Сэ сывщ» жиIащ.
• Гу зыхэмылъ псалъэр шэ нэфщ.
• Гу нэхъ жэр щыIэкъым.
• Гуауэм иуIам хущхъуэ сэбэп хуэхъуркъым, джатэм иуIар хъужми.
• Гуащэ къуийм зихуэпэху, джэгур яухащ.
• Гуащэжьри зэгуэр нысащIэу щытащ.
• Гуащэм и хабзэр нысэм и бзыпхъэщ.
• Гуащэрэ пэт данэ кIапэ щощIэ.
• Губгъуэ пщIащэрэ унэ пщIащэрэ зэтохуэ.
• Губгъуэм илъыр аркъым гъавэр, гъавэр гуэным илъырщ.
• Губгъуэм ущымыкъэрабгъэ, унэм ущымылIыхъужь.
• Губгъэн фIэмылIыкIыр жылэм я нэхъыкIэщ.
• Губжьырилэр щIэх жьы мэхъу.
• Губзыгъэм и гуIэгъуэр делэм и гуфIэгъуэщ.
• Гугъу уехьынумэ, хьэгулывэми дзэр IуещIыкI.
• Гугъуехь зымылъэгъуам гъуэгуанэ хуэшэчкъым.
• Гугъуехь зымылъэгъуам тыншыгъуэ ищIэркъым.
• Гугъуехь зымышэчар лIым хабжэркъым.
• Гугъэ нэпцIыр щхьэгъэпцIэжщ.
• Гужь зиIэр вакъэжькIэ мауэ.
• Гузэвэхыр щIэх жьы мэхъу.
• Гукъеуэ зиIэр псэлъалэщи, бэгу зиIэр тIэхъуалэщ.
• Гукъеуэ зимыIэм пщIыхьэпIэфI елъагъу.
• Гум дэбгъахуэр фэм къеIуатэ. / Гум илъыр фэм къеIуатэ.
• Гум емыкIур нэми екIукъым.
• Гум илъыр жьэм жеIэ. / Гум имылъ жьэм къиIуатэркъым.
• Гум/псэм фIэIэфIыр нэм фIэдахэщ.
• Гупсыси псалъэ, зыплъыхьи тIыс.
• Гупыр зыгъэукхъуэр кхъуэм хуэдэщ.
• Гур жьы хъуркъым.
• Гур здэкIуэм кIуэфыр лIыфIщ.
• Гур здэщыIэм нэр мэIэбэ.
• Гур кIуэдмэ, лъэр щIэкIыркъым.
• Гур кIуэдмэ, шыр жэркъым.
• Гур мыгъмэ, нэр гъыркъым.
• Гур мыфIмэ, щхьэр фIейщ.
• Гур щыкъутэм щащIыж.
• Гурымыкъ гурымыкъ и щIасэщ.
• Гурэ гурэ лъагъуэ зэхуэIэщ.
• ГуфIэгъуэри гуIэгъуэри зэпыщIащ. / ГуфIэгъуэрэ гуIэгъуэрэ зэпылъщ.
• Гухахъор кIэ, гухэкIыр жъы.
• ГушыIэкIэ зымыщIэм IэштIымкIэ мауэ.
• ГушыIэр тхьэм и щIасэщ.
• Гущэ зыхуащIым бэни хуащIыж.
• Гуэн нэщI нэхърэ хадэ нэщI.
• Гуэн нэщI щыIэщи, хадэ нэщI щыIэкъым.
• Гуэным имылъмэ, Iэнэми телъкъым.
• Гуэрэфыр гухэлъэфщи, фэрэкIыр гуимыкIыжщ. / Фэгъазэр фэ зэгъэдзэкIщи, фэрэкIыр гу имыкIыжщ.
• Гуэрэфыр узыгъуибл поув.
• ГуэшакIуэ Iыхьэншэщ.
• Гъаблэм благъэр пщегъэгъупщэ.
• Гъаблэм благъуэр гъуэм къреш.
• ГъавэщIэ къыпIэщIэмыхьэу гъавэжьым уемылъэстауэ/уемылъэпауэ.
• Гъатхэм жеяр бжьыхьэм мэгъыж.
• ГъащIэ зиIэм уахъти иIэщ.
• ГъащIэр Iыхьэ мыгуэшщ.
• Гъуабжэ псори мыщэкъым, лыд псори дыщэкъым.
• Гъунэгъу бий ящIыркъым.
• Гъунэгъу зыгъэпудым пудыгъэ къылъос.
• Гъунэгъу щхьэщытхъу щхьэгъэузщ.
• Гъунэгъур гъуджэм хуэдэщ.
• Гъунэгъур унэгъущ, къигъунэгъужыр гъунэгъущ.
• Гъунэгъурэ гъуэншэджрэ.
• ГъунэгъуфI къуэшыфI палъэщ.
• Гъусэ дей нэхърэ Iэщэ дэгъуэ.
• Гъусэ мыхъумыщIэ нэхърэ гъущIыпэ.
• Гъусэ мыхъурэ Iэщэ мыхъурэ.
• Гъусэ пэплъэмрэ пIалъэ тесымрэ шэчыгъуейщ.
• ГъущI куэбжэ зиIэ гъущI мастэ щощIэ.
• ГъущIрэ пэт къочэ.
• Гъуэгy напщIэ сабэм мэкъу щеуэкъым, ер зэуа жыгым пщIащэ къыпыкIэкъым.
• Гъуэгуанэ тетым и ади и ныбжьэгъущ.
• Гъуэгужьрэ фызыжьрэ умыбгынэ.
• Гъуэгум и кIыхьагъым хуэдизи и бгъуагъщ.
• Гъуэгум пкIэлъей ибдзмэ, кIэщI мэхъу.
• Гъуэмылэпэм еIэзэ, гъуэмылэкIэм езауэ.
• Гъуэмылэр гъуэгум щыхьэлъэкъым.
• Гъыным гъын къешэ, нэпсым нэпс къелъху.
• Гъэм и зы махуэм щIымахуэм уегъашхэ.
• Гъэмахуэм умыгъэтIылъа щIымахуэм къэпщтэжыркъым. / Гъэмахуэм къыумылэжьа-зэхуумыхьэсар щIымахуэм бгъуэтыжыркъым. / Гъатхэм тумысар бжьыхьэм къытепхыжыркъым. / Гъатхэм хыумысар бжьыхьэм бгъуэтыжыркъым. / Гъатхэм пасэу пщIэр бжьыхьэм игъуэ мэхъу.
• Гъэрыр япэ зэрыхьэр и унэщ.
• ГъэфIым умыгъуэта гъейм бгъуэтыжыркъым.
• Гъэшыр зыщыбэм цIыхур щыбейщ.
• ДаIуэкIейм дэгу уещIри, плъэкIейм нэф уещI.
• Дакъэжьми хьэщIэ къыкъуонэ.
• Дауэм и кIэр зауэ хъумэ, зимыIуэхури хокIуадэ.
• Дахагъэм гyp егъэгушхуэ.
• Дахэ и щIагъ фо щIэлъщ. / Дахэм и щIагъ дыщэ щIэлъщ.
• ДахэжыIэ нэхърэ дахащIэ.
• Дахэм къимыхь Iейм къихькъым.
• Дахэм/дахагъэм, дагъуищэ егъэпщкIу.
• Дахэр зыгъэдахэр и щэнщ.
• Дахэр пагэмэ, пуд мэхъу.
• Дахэу ябз дахэу ядыжыркъым.
• ДелитI зэзауэмэ, ещанэр йоплъ.
• Делэ бзаджэ нэхърэ делэ дыдэ.
• Делэ благъэ нэхърэ гу6зыгъэ 6ий.
• Делэ гуэшэгъу нэхърэ губзыгъэ дауэгъу.
• Делэ дыхьэшхырилэщ.
• Делэ и гъуэмылэр пэшхщ. / Делэм и былым пэшхщ.
• Делэ къуэлэн и щIасэщ.
• Делэ лIыкIуэ умыщI.
• Делэ пэшэгъу умыщI.
• Делэ щхьэщытхъущ.
• Делэм куэд ищIэ къыфIощIыж.
• Делэм зэхибзэнщ, губзыгъэм зэхихыжынщ.
• Делэм сэ сыфIокI, губзыгъэр езыр къысфIокI.
• Делэм уи пыIэ ети, блэкI.
• Делэм ущытхъумэ, пагэ мэхъу.
• Делэм махуэ къэси и хьэгъуэлIыгъуэщ.
• Делэм уемыупщIу зыкъуегъащIэ.
• Делэр 6лагъэ гъэкIуэдщ.
• Делэр бейм я гуэшэгъущ.
• Делэр гугъэурэ жьы мэхъу.
• Делэр и псэлъэкIэмкIэ къыбощIэ.
• Делэр хьэлывэм щыгугъыурэ хъудырыпсми хэныжащ.
• Делэри мыпсэлъэху губзыгъэщ.
• Дунейм и фIыгъуэр узыншагъэщ, дунейм и тхъэгъуэр лъагъуныгъэщ.
• Дунейр зыгъэнэхур дыгъэщ, зэзыгъэнахуэр щIэныгъэщ.
• Дунейр зыгъэнэхур зы дыгъэщ.
• Дунейр зыми здихьакъым.
• Дунейр къэкIухьи, уи унэ ихьэж.
• Дунейр кхъуэщыныжь хъуакъым.
• Дунейр техьэ-текIщ, гудзэр теувэгъуэ-теувэгъуэщ.
• Дунейр чэзущ.
• Дунейр шэрхъщи мэкIэрахъуэ.
• Дыгъужь мэлыхъуэ ящIрэ?
• ДыгъужьитI зы гъуэ изагъэркъым.
• ДыгъужьитI я щIыб зэхуагъазэркъым.
• Дыгъужьрэ пэт и гъунэгъу едыгъуэжкъым. / Дыгъужь пэтрэ и гъунэгъу едыгъуэркъым.
• Дыгъужьым и нэр жейми, и гур жейкъым.
• Дыгъужьым лы игъуэтмэ, псы игъуэтыркъым.
• Дыгъужьым мэл зыфIихьыну мэлыхъуэр пыIэ щхьэщыгумкIэ къещIэ.
• Дыгъужьым мэлыр щихькIэ и натIэ нагъыщэм/напкъыжьэм еплъыркъым.
• Дыгъужьым ущышынэмэ мэз умыкIуэ.
• Дыгъужьыр жьы хъумэ, хьэм и джэгуалъэщ.
• Дыгъужьыр зыщызеуалэм мэлым зыщагъэпсэхуркъым.
• Дыгъум пабжьэр и дэIэпыкъуэгъущ.
• Дыгъури дыгъущ, дыгъур щIэзыуфэри дыгъущ.
• Дыгъушхуэри дыгъущ, дыгъy цIыкIури дыгъущ.
• Дыгъуэм и кIэр мыгъуэ мэхъу.
• Дыгъуэри дыгъужьри къаущэкIу.
• Дыгъэ нэпс нэхърэ анэ бгъафэ.
• Дыгъэр зытемыпсэр щыIэжкъым.
• Дыджым уемыдзэкъамэ, IэфIыр пщIэнукъым. / Дыджым уемыдзакъэу, IэфIыр пщIэркъым.
• Дыжэф пцIанэ хъуркъым.
• Дыщэм хэс нэхърэ лIыжь зыбгъэдэс.
• Дыщэр куэншыбым хэлъкIи улъийкъым.
• Дыщэр къыщыщIахми щылъапIэщ.
• Дыщэр чэзэпкIэ ягъэунэху, цIыхур IуэхущIафэкIэ зэхаху.
• Дэгум жиIэн егъуэт, нэфым игъуэтыр екъуз.
• Дэтхэнэ гъащIэри тхыдэщ.
• Дэтхэнэ зы узми иIэщ Iэзэгъуэ.
• Джанэ мылажьэрэ, лажьэ мыкIуэтэжрэ щыIэкъым.
• Джанэ нэхърэ гъуэншэдж нэхъ благъэщ.
• Джатэ щIагъым нанэ щыIэкъым.
• Джатэм пиупщIыр мэкIыжри, жьэм пиупщIыр кIыжкъым.
• Джатэм и щIагъи пэжыр жыIэ.
• Джэгур уджкIэ яух. (Eksik)
• Джэгугъуэм лIыхъужьщ, зэуэгъуэм жьындущ.
• Джэд нэхърэ джэдыкIэ нэхъ Iущщ.
• Джэд пасэрэ бын пасэрэ.
• Джэд пэтрэ мэулъэпхъащэ.
• Джэд щыкъун и пщIыхьщ.
• Джэдым джэдIыкIэр и гуащIэщ.
• Джэджьей зеджалэ/зеуалэ псывэ хоупIэ.
• Джэду здэщымыIэм дзыгъуэ щоятэ.
• Джэду и къуэ дзыгъуащэщ.
• Джэду щысу шыпсэ умыIуатэ/жумыIэ.
• Джэдум щигуфIэгъуэм, дзыгъуэм и гуIэгъуэщ.
• Джэдумрэ фызымрэ унэгуащэщи, хьэмрэ лIымрэ ныбгъуащэщ.
• Джэдур дзыгъуэкIэ лIыхъужьщ.
• ДжэдыкIэ къэзыдыгъум джэди къидыгъунщ.
• Дзасэм тхъу пызагъэрэ?
• Дзасэри мылыцIу, лыри мыцIынэу.
• Дзыгъуэ нэпсейр шэм етхьэлэ.
• Дзыгъуэ пэтрэ щIымахуэм хуогъэтIылъэ.
• Дзыгъуэ цIыкIурэ пэт Iэтэшхуэм ипIытIыркъым.
• Дзыгъуэм и цыр кIыp хъумэ, щIыIэлIэх мэхъу.
• Дзыгъуэр и гъуэм ямыхужмэ, фэлъыркъэб зыкIарещIэ.
• Дзэгъащтэ дзэ псэу и уасэщ.
• Дзэм иуфэкъа лъахэрэ мацIэр зыпхыкIа хадэрэ.
• Дзэм хамэ хэткъым.
• Е зыхэлъыр хьэгъуэлIыгъуэм мэятэ.
• Е лIын, е лIэн. / Е улIын, е улIэн.
• Е лъыхъуэр ем ехьыж.
• Е мыхъу фIы хъужыркъым.
• Е пщIауэ фIы ущымыгугъ, фIы пщIами ущIэмыфыгъуж.
• Ебгъэжьэжыным нэхърэ ебгъэблэгъэныр нэхъ тыншщ.
• Еблагъэ зи бэм и бын мэжалIэкъым.
• Егъэлей делагъэщ.
• Еджэным кIасэ иIэкъым.
• Ем «сынокIуэ» жиIэркъым. / Шэм «сынокIуэ» жиIэркъым.
• Ем е пыщылъщ, фIым фlы пыщылъщ.
• Ем улъыхъуэу зыпумышэ, зыкъыпщишэмэ, умыдзыхэ.
• Емыджа егъэджакIуэ хъуркъым.
• Емызэш и уанэ къехьыж.
• Емызэш/Емыш мэшыбэ ещIэ.
• ЕмыкIyp зылэжьым дежкIи емыкIущ, еплъым укIытэгъуэщ.
• Емынэм къелар ныбэузым/хъумбылейм ехьыж.
• Ер вы бжьакъуэм къокI.
• Ер зымыщIэм фIыр ищIэкъым. / Ем IумыщIам фIыр ищIэркъым. / Iейм ухуэмызэу фIыр пщIэркъым.
• Ерыщыр щыту малIэ.
• ЕсыкIэ умыщIэмэ, хым ухэмыхьэ.
• Еущий зы махуэщ, хабзэ хьэху махуищщ.
• Ешхэ-ефэ нэхърэ джэгу.
• ЖьакIэр тхъуам/хужь хъумэ, фIыцIэ хъужыркъым.
• ЖьантIэм ущIэмыкъу, пхуэфащэмэ къыплъысынщ.
• Жьы зыхэмыт щIыIэр щIыIэкъым, псчэ зыхэмыт узыр узкъым.
• Жьы зэрымысым нэмыс илъкъым, щIэ зэрымысым насып илъкъым.
• Жьы къемыпщэу къурэ сыскъым.
• Жьы уимыIэмэ, щIэи уиIэкъым.
• Жьы хъуар шхыдэ бэIущ, уемыдэIумэ зегъэгусэ.
• Жьы хъуар гу махэщ.
• Жьы хъуар хьэ хыжыгъуэми щIыIэ малIэ.
• Жьым еубзи, щIэр гъэгушхуэ.
• Жьым къихьыр псым ехьыж.
• Жьым щхьэ ядешх, щIэм лъакъуэ ядешх.
• Жьым щытхъуи, щIэр къащтэ.
• Жьым и гъащIэр фIэмащIэщ, щIэм и щIэр фIэкуэдщ.
• Жьындури гугъат тхьэрыкъуэ къришыну.
• Жьыр щхьэукъуэрейщи, щIалэр джэгурейщ.
• Жьыр къыздепщэр пщIэн хуейщ. / Жьыр къыздепщэр зымыщIэм, борэн къытехъуэнущ.
• Жьыри, сабийри зэхуэдэщ.
• Жьырытэдж шатэшхщ.
• Жьыуэ къэтэджамрэ щIалэу къэзышамрэ щIегъуэжакъым.
• Жьыуэ тэджым шыщIэхъу хуалъху.
• ЖьыфI здэщымыIэм щIэфIи щыIэкъым.
• Жьэ лIыкIуэ нэхърэ щхьэ лIыкIуэ.
• Жьэм къыжьэдэкIа псалъэри фочым къикIа шэри зэхуэдэщ.
• Жьэмыгъэпсэху псэмыгъэтыншщ.
• Жьэр зэщIэкIмэ, ныбэр мэкIий.
• Жьэр щхьэм и лIыкIуэщ. / Щхьэм жьэр и лIыкIуэщ.
• ЖаIэр къос, ясэр къокI.
• Жагъуэгъу миным къыуащIэм нэхърэ зы ныбжьэгъум къыуищIэр нэхъ гуауэщ.
• Жагъуэгъуншэ умыхъукIэ, жагъуэгъум зэрыжаIи умыхъукIэ.
• Жагъуэгъурэ щIасэгъурэ зимыIэ щыIэкъым.
• ЖагъуэлIрэ лIэныгъэрэ. (Eksik)
• ЖамыIа щыIэкъым, ямыщIа мыхъумэ.
• ЖамыIэ щыIэщи, ямыIуэтэж щыIэкъым.
• ЖаIэ псор къэхъуркъым, къэхъу псор яIуатэркъым.
• ЖаIэ псори пэжкъым.
• Жейм и щIыхуэ къыптыринэркъым.
• Жеймрэ гугъэмрэ адэ щIэиныфIщ.
• Жейрэ лIарэ зэхуэдэщ.
• Жыбгъэм и кIэр уэлбанэщи, зауэм и кIэр хьэдагъэщ. / УэфIым и ужьыр уэлбанэщ, зауэм и ужьыр хьэдагъэщ.
• Жыг закъуэ жьым щошынэ.
• Жыг закъуэ мэз хъуркъым.
• Жыгыжьыр иту, жыгыщIэр йобэт.
• Жыджэрым и фIыщIэ къагъанэу щхьэхынэм и щытхъу жаIэнкъым.
• Жыжьэу бгъэтIылъыр благъэу къощтэж.
• Жылэ лажьэ лажьэ хъуркъым.
• Жылэм дэлъмэ, уиIэщ.
• ЖысIэр щIэ, сщIэм уемыплъ.
• Жэм гъэшыджэ буурейщ.
• Жэмыр гъэшыфIэми, ирикIутыжмэ сыт и пщIэ?
• Жэм гъэшыфIэр нанэфI хуэдэщ.
• Жэм лъакъуэ шкIэ иукIыркъым.
• Жэм пыджэрей къуагуэ мэхъу.
• Жэмым ишх и гъэшщ.
• Жэнэтыр анэм и лъэгу щIэтщ.
• Жэщым и дахэр мазагъуэщ, цIыхум и дахэр акъылщ.
• Закъуэныгъэ нэхърэ Iэл къыбдис.
• Закъуэныгъэр мыгъуагъэщ.
• Зауэ джэгурэ дауэ джэгурэ щыIэкъым.
• Зауэ езыгъажьэ и щхьэ лажьэ хохуэж.
• Зауэм уIухьэмэ, уи Iыхьэ IущIыхь.
• Зауэм хэту джатэ хьэху ятыркъым.
• Захуэм хабзэр и телъхьэщ.
• Зейм и хьэтыркIэ, хьэм нэмыс хуащI.
• ЗекIуэ и вакъэ лажьэркъым.
• ЗекIуэкIейм лъашэ уещIри дыхьэшхыкIейм Iушэ уещI.
• 3и Iуэху eгyгъyp дыгъэм япэ къотэдж.
• 3и Iуэху нахуэм и нэгу хейщ.
• Зи Iуэху зыфIэмыбэрэ зи бын зыфIэмыдахэрэ щыIэкъым.
• Зи Iыхьэ зыфIэмащIэм хьэм фIешх.
• Зи адэ лIар ибэ ныкъуэщи, зи анэ лIар ибэ хъурейщ.
• Зи бзэ IэфI щынэр, мэлитI ящIоф.
• Зи бзэ IэфIым блэр гъуэмбым къреш.
• Зи бзэ быдэм насып иIэщ.
• Зи бзэ ныкъуэм гуныкъуэгъуэ ущигъащIэркъым.
• Зи бзэ умыщIэм, уи хабзэ кIэрумыщIэ.
• Зи бын гуIущIэу зыгъасэм и нэпскIэ епшыныж.
• Зи бэ пщIэм уриIэзэщ.
• Зи вакъэ зэврэ зи гъавэ мащIэрэ. (Eksik)
• Зи вакъэ зэвым и дунейри мащIэщ.
• Зи гупкIэ уисым и уэрэд жыIэ (ежьу).
• Зи гур фIым и нэгури фIыщ.
• Зи гъунэгъу зи Iэпэгъум и насыпщ.
• Зи дзэлыфэ къыпхуэзытI псори ныбжьэгъукъым.
• Зи жьэ зэIумыщIэм я гухэлъ зэрыщIэркъым.
• Зи жьэ и ягъэ екIыжа куэд кхъэм щIэлъщ.
• Зи жьэ куэд жиIэм и Iэ куэд ищIэркъым.
• Зи жьэ псынщIэм пащIэ ныкъуэ къихьыжыркъым.
• Зи игъуэр дахэщ.
• Зи имыгъуэ хьэщIэр гуихщ.
• Зи куэбжэ укъыдэзымыгъэкIыжым и унэ умыкIуэ.
• Зи лIэгъуэ къэсам и мыхьэл къещтэ.
• Зи мыIуэху зезыхуэм и щхьэм баш тохуэ.
• Зи мылъку зыфIэкIуэдам хуэгуIи, зи акъыл зыфIэкIуэдар гъеиж.
• Зи мэкъу Iуврэ зи мэш бэврэ гузавэркъым.
• Зи насыпыр хэт? Зи насыпыр зи тэмакъ кIыхьырщ.
• Зи ныбэ изым гуныкъуэгъуэ ищIэркъым.
• Зи нысэгъу зыубрэ зи бын щытхъурэ. (Eksik)
• Зи нэгу къабзэм и гури къабзэщ.
• Зи нэхъыжь едаIуэ и Iуэху мэкIуатэ.
• Зи псалъэ кIэщIым и бзэр IэфIщ.
• Зи псалъэ нахуэм и напэр хужьщ.
• Зи пIалъэ умыщIэ шыкIэ утыку уимыхьэ.
• Зи тепIэн кIэщIым и жей мащIэщ.
• Зи тхыдэ зымыщIэжыр лъэпкъ хъуфкъым.
• Зи унафэр зымыщIыжыфыр унафэщI макIуэ.
• Зи Iуэ ит нэхърэ зи щхьэ ит.
• Зи цIэ ираIуэ бжэщхьэIум тетщ.
• Зи щIыхуэ птелъым уриIуэхутхьэбзащIэщ/уриунэIутщ.
• Зи щхьэ Iуэху зымыщIэжыфыр хамэ IуэхукIэ ерыщщ.
• Зи щхьэ мыузым уи щхьэ уз хуумыIуатэ.
• Зи щхьэ пщIэ хуэзымыщIыжым пщIэ иIэкъым.
• Зи щхьэ уи унэ исым и псэ уи унэ илъщ.
• Зи шэгын еблэм бланэр фIокIуэж.
• Зигу фIы имылъым и щхьэ фIы къехъулIэркъым.
• Зил къыпщIэмыузым уи уз хуумыIуатэ.
• Зил мыузым игу узыркъым.
• ЗилI Iэмбатэм и фыз куэтэрамэщ.
• ЗимыIэм къратыр и Iыхьэщ.
• Зумыхьэри, уимыIэххэри зэхуэдэщ.
• Зы акъыл нэхърэ акъылищэ.
• Зы анэм къилъхуа псори зэхуэдэкъым.
• Зы бын зиIэми бынищэ зиIэми зэхуэдэу ялъагъу.
• Зы гъэр тIэу къакIуэркъым.
• Зы жьэм къыжьэдэкIыр, жьищэм жьэдохьэ.
• Зы лIыр джэдыгуибгъурэ, лIибгъур джэдыгуншэу.
• Зы мафIэ хъуаскIэ жылэ псор къресэкI.
• Зы махуэ фIэкIа уемыжьэми махуибгъу гъуэмылэ къыздэщтэ.
• Зы мэл бгым елъэмэ, мэл псори йолъэ.
• Зы нэм имылъагъур зы нэм елъагъу. / Адэм имылъэгъуа къуэм елъагъу.
• Зы псалъэм зы псалъэ къелъху.
• Зы пцIым пэжищэ егъэулъий.
• Зы сабий нэхърэ шу гуп нэхъ гъэхьэщIэгъуафIэщ.
• Зы хьэщIэм зы хьэщIэ и жагъуэщи, хьэщIитIыр бысымым и жагъуэщ.
• Зы цIыхум жылэм фэ трегъэуэф.
• 3ы цIыхум зы цIыхур и шхэпсщ.
• Зы шым и хьэтыркIэ шищэ псы йофэ.
• Зызыгъэгусэ Iыхьэншэщ.
• Зызыгъэгусэ и Iыхьэ ныбэ уз хуэхъущхъуэщ. / Зызыгъэгусэ и Iыхьэ ныбэуз и Iыхьэщ.
• 3ызыгъэщIалэ лIыжьыр щIэнэкIалъэщ.
• ЗызышыIэфым выгукIэ тхьэкIумэкIыхь къеубыдыф.
• Зылъэгъуа щыIэмэ, зэхэзыха умылъыхъуэ.
• ЗылъэкI и джатэ кIыхьщ.
• Зым и зэран щэм йокI.
• Зымышхыжын и мэкъумэш щIэкIэщ.
• ЗымыщIэм щIакIэ и Iусщ.
• ЗымыщIэф унафэ щIынкIэ ерыщщ.
• Зыр лIа щхьэкIэ, зым зилIэжрэ?
• 3ыри умыщIэххэ нэхърэ Iуэху цIыкIу.
• Зыхуэхъур мэдалъэ, зылъэмыкIыр мэлъаIуэ.
• Зыхьри мэгугъэ, яхьри мэгугъэ.
• Зышэчым тралъхьэ, зыхьым тракъуэ.
• ЗыщI нэхърэ еплъ нэхъ Iэзэщ.
• ЗыщIэн зымыщIэжым и унэ иречри иресэж.
• ЗыщIэпхьым къыпщIехьыж.
• Зыщагъэувым щамыгъуэтыжымрэ жиIам трамыгъуэтэжымрэ лIам палъытащ.
• Зыщытхъур къэгъани яубыр къашэ.
• Зыщэм и напэр къэзыщэхум и уасэщ.
• Зэ жыпIэнум тIэу егупсыс.
• ЗэбгъащIэр IэщIагъэщи, умыщIэр IэщIыбщ.
• ЗэгурыIуэ я Iуэху псынщIэщ.
• ЗэгурымыIуэ гуIэгъуэ къешэ.
• ЗэгъунэгъуитI я жэм шыкIэ зэхуэдэкъым. / ЗэгъунэгъуитI я мэл бжыкIэ зыкъым.
• ЗэдеIэмэ бгыри ягъэкуэш.
• ЗэдэпщIэ щIэхщи, зэдэшхэ IэфIщ.
• Зэдэшхэ IэфIщи, зэдэфI унэщ.
• Зэз зи бзэгу телъым IэфI щымыIэж къыфIощI.
• Зэзэуэрей адакъитI пшэр хъуркъым.
• Зэкъуэш псори зы анэм къилъхуркъым.
• ЗэкъуэшитI я зекIуэкIэ зэхуэдэщ.
• Зэрымылъагъумэ зэщIолIэ, зэрылъагъумэ йолIыкI.
• ЗэхуэгъафIэ зэфIэкIуэд къыхокI.
• ЗэхуэдитI зэдзейщ.
• ЗэхуэдитIыр къызэдофэри, зэфэгъуитIыр зэдокIуэ.
• Зэхьэзэхуэ мэунэри, зэижитI мэунэхъу.
• Зумыпэсым кIэс къехьри къыдохьэж.
• И анэ еплъи, ипхъу къашэ.
• И къуэ фIэмылIу, илI фIэмыдахэу фыз щыIэкъым.
• Изрэ ныкъуэрэ/нэщIрэ зэрышIэркъым.
• ИкIута из хъужыркъым.
• Илъэс Iуэху къэщтэжыгъуейщ.
• Ин жыIэ, цIыкIу Iуатэщ.
• ИнагъкIэ фыхуеймэ махъшэм феупщI, жьакIэкIэ фыхуеймэ ажэм феупщI.
• Ирауд бэнэнкIэ зигъэнщIыркъым.
• Иримыкъур иризыгъэкъур лэпсщ.
• Иужь акъыл нэхърэ ипэ акъыл.
• Иужьрей Iуэху бзу кIагуэщ.
• Куэд жызыIэм нэхърэ куэд зыщIэ/зылэжь. / БаIуэ нэхърэ бащIэ.
• Куэд зыгъащIэ нэхърэ куэд зылъагъу.
• Куэд зэгъащIэ, умыщIэ умыIуатэ.
• Куэдрэ даIуэ, мащIэ Iуатэ.
• Шэм куэдрэ ухэплъэмэ, лъы холъагъуэ. / Куэдрэ шэм ухэплъэмэ, лъы холъагъуэ.
• Куэдщ жыпIэу ущымышынэ, мащIэщ жыпIэу гушхуэ.
• Къалъхур ирегъашэ, къашэр егъэнысэ.
• Къамылъху лIэжыркъым.
• Къамылъхуари цlыхум яхэмыхьари зэхуэдэщ.
• Къаруушхуэ нэхърэ акъылышхуэ.
• Къебыбажьэ нэхърэ къежьэуашхэ.
• КъежьэкIей кIуэдыжыкIейщ.
• Къоджэм кIуэ, уиукIынуми.
• Къоджэр нэхъыжьщ.
• Къоджэр нэхъыщIэми, къэгъазэ.
• Къотэм етэж, къоуэм еуэж.
• Къоузым удэгызмэ, узыр мэятэ.
• Къоуэм уемыуэжмэ, Iэ пфIэту укъищIэркъым.
• Къуаншэу ущысми, захуэу псалъэ.
• Къуаргърэ пэт, и шырым «хужь цIыкIукIэ» йоджэ.
• Къуаргъым/къуанщIэм нэ хуащIати, «набдзэ» жиIэрт.
• Къуий здэщыIэм мажьэ кърахкъым.
• Къуийм и пыIэ щыгъупщэркъым.
• Къуийм и пыIэр щхьэрыхумэ укIытэжыркъым.
• Къулейм иадакъэри мэкIэцI.
• Къупщхьэр зыгъэдахэр лыщи, лыр зыгъэдахэр щыгъынщ.
• КъутэгъуафIэ щхьэкIэ щIыжыгъуафIэкъым.
• Къуэ бзаджэм адэм хъуэн къыхуехь, пхъу бзаджэ анэм хъуэн къыхуехь.
• Къуэ зиIэм пщащэ псори и нысэщи, пхъу зиIэм щIалэ псори и малъхъэщ.
• Къуэ зимыIэ адэр нысэлъыхъу ежьэкъым.
• Къуэ пцIыупс зиIэ анэр гуфIэ щыщIэркъым.
• Къуэ уиIэмэ, нысэ уиIэщ.
• Къуэм и нэр нэфми, анэм псэууэ елъагъу.
• Къуэр напщIэщ, пхъур набдзэщ.
• Къуэр унэм и пкъощ, пхъур унэм и щIэращIэщ.
• КъуэфI и анэ гуфIэ щигъащIэркъым.
• Къуэш егъу нэхърэ ныбжьэгъуфI.
• Къуэш зимыIэм башым IэплIэ ирешэкI.
• Къуэшым я нэхъ жагъуэгъумрэ щауэгъум я нэхъ щIасэмрэ зэхуэдэщ.
• Къуэшыншэ щIэупщIакIуэншэщ.
• Къуэшыр зыщыбэм бэныр щыбыхъущ.
• Къыдыхьэр думыхуж, дэкIыжыр умубыд.
• КъыпкIэлъымыкIуэм узыкIэлъигъэкIуэнукъым.
• КъыптекIуэр лъэщщ/гугъущ.
• КъэзыкIухь Iыхьэншэщ.
• КъэзышагъащIэм махуэ тIощIитIкIэ япэ зыкъыумыгъахуэ.
• КъэкIуэгъуафIэ кIуэжыгъуафIэщ.
• КъэкIуэныр хьэщIэм и Iуэхущи, кIуэжыныр бысымым и Iуэхущ.
• Къэрабгъэр къуэшкIэ лIыхъужьщ.
• Къэрабгъэр къурэм щошынэ.
• Къэт кIыхь, къэхь мащIэ.
• Кхъэлэгъунэр мэкIуэдыж ауэ уэрэдыр кIуэдыжыркъым. / Мывэ сыныр мэкIуэдыж, мыкIуэдыжыр уэрэдщ.
• Кхъэм яхьа къахьыжыркъым.
• Кхъуейм и хьэтыркIэ пIастэри яшх.
• Кхъуэр зыщышынэн щымыIэмэ, Iуащхьэм докIуей. / ЦIыху здэщымыIэм кхъуэр Iуащхьэм докI.
• КIапсэр кIыхьмэ фIыщи, псалъэр кIэщIмэ, нэхъыфIыжщ.
• КIапсэшхуэм ихьар арэфыпсым къехьыж.
• КIапсэшхуэ хьэху къозымытынум «хужьгъэ изогъэгъу» жеIэ.
• КIыгуугу и цIэ иреIуэж.
• КIыфIми укъыщалъагъу, губгъуэми ущызэхах.
• КIыщ уэщыншэщ.
• Лажьэ жьы хъуркъым.
• Лажьэм жьэ егъуэт.
• Лыгъэ зыдзыр хесхьэж.
• ЛэжьакIуэфI ифIыщIэ щIэми жьыми яIуатэ.
• ЛэжьакIуэжь и шэмэдж щIэщхъуркъым, и фIанэ къутэркъым.
• Лэжьыгъэу щыIэр зы нэдым ихуэркъым, щIэныгъэу щыIэр зы цIыхум ищIэркъым.
• Лэжьыгъэм уегъэлъапIэ, щхьэхынагъэм уегъэпуд.
• ЛэжьэкIэмыщIэ и Iуэху хэщIыркъым.
• Лэжьэным хэзагъэр щIэныгъэми хогъуазэ
• Лэрыгъур щыузым деж, вакъэжь хыфIадзэжар ягу къокIыж.
• Лы зышхар лэпс йофэж.
• Лъагъуэ щымыIатэмэ гъуэгуи щыIэнтэкъым.
• Лъагъуныгъэр дахагъэ-Iеягъэкъым.
• Лъагъуныгъэр джэгукъым, уджэгуу иумыгъажьэ.
• Лъагъуныгъэ зыщIам лъагъукIэ ищIэжыркъым.
• Лъы гъэжэным насып къыхэзыха щыIэкъым.
• Лъы уасэрэ пхъу уасэрэ мылъку хъуркъым.
• ЛъыкIэ зэш нэхърэ гукIэ зэш.
• Лъыхъуэм къегъуэт.
• Лъэпкъыншэ насыпыншэщ.
• Лъэужьым траубыдэр дыгъущ.
• ЛIам гукъанэ хуащIыжыркъым.
• ЛIар псэум пащIыркъым.
• ЛIы Iэщэншэ еуэркъым.
• ЛIы гурымыкъыр фыз гъагъщи, лIым и гъринэр гуемыIущ.
• ЛIы жьей фызгъэгъущ.
• ЛIы зэрымыс унэр сабафэщ.
• ЛIы и махуэрэ шы и махуэрэ зэхуэдэкъым .
• ЛIы и псалъэ епцIыжыркъым.
• ЛIы ищIа иIуэтэжыркъым.
• ЛIы къэрабгъэ хьэ бзаджэкIэ ерыщщ.
• ЛIы пхам лIы еуэркъым.
• ЛIыгъэ зиIэм Iэщэр ейщ.
• ЛIыгъэ зиIэр мазэхэм мэгушхуэри, лIыгъэншэр мазэгъуэм мэшынэ.
• ЛIыгъэ тегъэ ищIэркъым.
• ЛIыгъэм Iэщэр хуэжыIэщIэщ.
• ЛIыгъэм ипэ гупсысэ.
• ЛIыгъэр Iыхьэ мыгуэшщ.
• ЛIыгъэр ажалым щыщтэркым.
• ЛIыгъэщIапIэ лIы икIуадэркъым.
• ЛIым Iэщэ зыхуиIыгъыр зы дакъикъэщ.
• ЛIым зигъэгусэркъым.
• ЛIым и лIыгъэр лэгъунэм щиIуатэркъым.
• ЛIым и узыншагъэр фызым и фIыгъэщ.
• ЛIым фэ теткъым жыпIэу иумыку.
• ЛIым я нэхъ мыгъуэм Iуэхугъуибгъу зэпеч.
• ЛIымрэ фызымрэ зэхуагъэувыр я хабзэщ.
• ЛIыр зыдашэ щIэупщIэркъым.
• ЛIыр лIыуэ мэлIэж.
• ЛIыр зыхуэдэр къэпщIэнумэ, и бийр зыхуэдэм еплъ.
• ЛIыфI къуэфI хуэщкъым.
• ЛIыфI шыфI хуэщщ.
• ЛIыфIыр бэ дыдэщи, лIыфI дыдэр зырызщ.
• ЛIыхъужь и джатэ бзэщхъуркъым.
• ЛIыхъужьыр зэ лIэгъуэщи, къэрабгъэр тIэу лIэгъуэщ.
• ЛIэм зыгъэлIэн ешх.
• ЛIэныгъэм нэхърэ eмыкIум фIэлIыкI.
• ЛIэныгъэр Iыхьэ мыгуэшщ.
• ЛIэныгъэр жьыгъэ-щIагъэкъым.
• ЛIэным лIыгъэ хэлъщ.
• ЛIэужьыр бжьиблкIэ мауэ.
• Малъхъэщ жыпIэу унэгъу умыщI, щIалэщ жыпIэу къебгъэшэн къыумыгъанэ.
• МафIэ нэхур «благъэщ» жыпIэу умыкIуэ, хьэ банэ макъыр «жыжьэщ» жыпIэу къыумыгъанэ.
• МафIэ щымыIэу Iугъуэ щыIэкъым. / МафIэ здэщымыIэм Iугъуэ щыIэкъым.
• МафIэ зэрызэщIагъанэр мафIэщ.
• МафIэм и гъунэгъу лыр мажьэ.
• МафIэм псыр къегъавэ, псывэм мафIэр егъэункIыфI.
• МафIэм упэрыIэбэмэ, укъес.
• МафIэншэри шхыныншэри зэхуэдэщ.
• МафIэр ягъэункIыфIын папщIэ псы къабзэ къалъыхъуэркъым.
• МафIэрэ гуфIэгъуэрэ.
• МафIэсрэ псыдзэрэ уадэмыджэгу.
• Махуаем бгъуэтыжыр ныбжьэгъущи, адрейхэр Iэпэгъущ. / Махуаем бгъуэтыжыр ныбжьэгъущи, уи хьэмтетыгъуэм бгъуэтыр уи шхэгъущ.
• Махуэ къэси щыблэ уэркъым.
• Махуэм махуэ къелъхури, насыпым насып къелъху.
• Махуэр кIыхьмэ, Iыхьэр мащIэщ.
• МащIэр фIыщIэ зымыщIым, куэдри фIыщIэ ищIынукъым.
• МащIэу псалъэ, куэд щIы.
• Мащэ зытI, мащэ йохуэж. / Зи къуэш мащэ хуэзытIыр йохуэж.
• Мывэ дзыкIэ зымыщIэм и щхьэм къохуэж.
• Мывэ закъуэкIэ къалэ хъуркъым.
• Мывэ къуршым мэш трасэкъым.
• МыдаIуэ хьэрылъхущ.
• Мыдэф и Iуданэ кIыхьщ.
• МылIэр лIы мэхъу.
• Мылэжьэф и гуахъуэкI бэлацэщ.
• Мысэр малъэри хейм и лъакъуэр щIеуд.
• Мыублэ мыхъумэ, мыух щыIэкъым.
• Мыхьэжэф и щхьэлыкъуэкI къопкI.
• Гъусэ мыхъунум ущыгугъыу мыщэм уемыбэн.
• Мыгъуэм и кIапсэр бейм егъэлажьэ.
• Мыщафэ Iэрымылъхьэм гуащэ щумыгъэгугъу.
• Мыщащхьэ плъагъумэ, мыщэ лъэужь умылъыхъуэ.
• Мыщхьэхыр дахащIэщ.
• Мыщэ дыгъужь фIэбэлацэщ.
• Мыщэ жея къыумыгъэуш, лIы мышынэ умыгъэгубжь.
• Мыщэ шхэри зы дэ къелщ.
• Мыщэм ишхар дыгъужьым трелъхьэ.
• Мыщэм лыкIэ зигъэнщIмэ къофэ.
• Мыщэм лыр имыгъэфу ишхкъым.
• Мыщэм пщIащэ техуэмэ мэгубжь, жыг техуэмэ зеущэху.
• Мыщэр игу къыщихьэм щотIыс.
• МыщIалэрэ мыделэрэ щыIэкъым.
• МыIэрысэ къыпыкIари къызпыкIа жыгым ещхьщ.
• МэжэщIалIэм ерыскъы паубыдыркъым.
• МэжэщIалIэм къэрабгъэри лIыхъужь ещI.
• МэжэщIалIэм щIалэри егъэжь.
• Мэзpэ мазэхэрэ уи щэху щумыIуатэ.
• Мэзджэдур и пащIэкIэ яцIыху.
• Мэзым щIэт кхъуэри мэпсэу.
• Мэзыр жыг зэрызурэ зэхэтщ.
• Мэкъу мащIи къыумыхь, мэкъубэхьи умыхъу.
• Мэкъу хьэвэ мастэ хэкIуадэщ.
• Мэкъуауэгъуэжьым гум жьы дрегъэху.
• Мэкъумылэр мащIэмэ, щкIащIэр шхэрей мэхъу.
• Мэл гуартэм и кIуэдыжыгъуэм бжэн къуийр пашэ яхуохъу.
• Мэлищэм зы мэл щыщIэмэ, мэл щэ ныкъуэщ.
• Мэлым и кIапэ и хьэлъэкъым.
• Мэлым и кIэр/кIапэр щыдэуейм/дэуеяти, бжэныр дыхьэшхащ.
• Мэлыхъуэ хъун и пщIыхьщ.
• Мэлыхъуэр куэдмэ, мэлыр псэхэлIэ мэхъу.
• Мэлыхъуэр шхын щхьэкIэ лIати «и гуфIакIэм щэ дэз хъунщ» жаIэрт.
• Набдзэ ищI фIэщIурэ нэр ирищIащ.
• Налыр къута щхьэкIэ, шум и гъуэгу зэпыгъэуркъым.
• Напэ зымыIэм укIытэ иIэкъым.
• Нарт и псалъэ епцIыжыркъым.
• Насып зиIэм шыIэ иIэщ.
• Насыпыншэ щыIэми, гугъэншэ щыIэкъым.
• Насыпыншэр махъшэм тесми хьэ къодзакъэ.
• Насыпыр къэкIуэн хъумэ, цы Iуданэми къешэ, кIуэжын хъумэ, гъущI пщэхъуми хуэубыдыркъым.
• Насыпыр пщэдджыжьым ягуэш.
• Насыпыр фызым къыдокIуэ.
• Насыпыр хьэщIэщ, къокIуэри мэкIуэж.
• Насыпыр хъуржынкIэ уафэм кърахьэхыркъым пщIэнтэпсым къыхокI.
• Насыпыр Iыхьэ мыгуэшщ.
• НашитI зы IэкIэ пхуэIыгъынкъым.
• Нащэр мыхъунумэ, кIэрэф мэхъу.
• Нобэ уи махуэщ, пщэдей си махуэщ.
• Нобэрей Iуэхур пщэдей пумыгъаплъэ. / Нобэ пщIэ хъуну Iуэхур пщэдейм пумыгъаплъэ. / Нобэ пщIэфынур пщэдей умыхь.
• Ныбгъуэр бгъасэми, хьэсэр и плъапIэщ.
• Ныбжьэгъум занщIэу къыбжиIэнщ, бийм уи щIыбкIэ щигъэIунщ.
• Ныбжьэгъуншэр зеиншэ пэлъытэщ.
• Ныбжьэгъур уи нэгу къыщIоплъэ, жагъуэгъур уи лъакъуэ йоплъых.
• Ныбжьэгъур щагъэунэхур махуейщ.
• НыбжьэгъуфIыр гъэтIылъыгъэфIщ.
• Ныбэм «уи адэ и жьакIэ къыпыупщIи къилъхьэ» жеIэ
• Ныбэм и лажьэр IуэтэжыгъуафIэщ.
• Ныбэм имылъмэ, лъэр щIэкIыркъым.
• Ныбэрыдзэ нэхърэ щхьэдэдзых.
• Нысашэшхуэри нысашэщ, нысашэ цIыкIури нысашэщ.
• Нысэ Iейм унафэр унэм ирех.
• Нысэ мыхъунур жьантIажэ мэхъури, мафIэ мыхъунур ищхьэм щолыд.
• Нысэм зэхихыу уи пхъум еущие. / Уи пхъу жеIи, ун нысэ еIуэкI.
• Нысэм уеубзэмэ, данэ Iубзэ къыуитынщ.
• Нысэр фIыщ, жыпIэу цIэ фIумыщ, и цIэр езым зыфIищыжынщ.
• Нэгур гум и гъуджэщ.
• НэгъуэщIхэр бгъэлъапIэмэ, уи щхьэри лъэпIэнщ.
• Нэдым и щхьэр умытIатэу ху илърэ хьэ илърэ пщIэркъым.
• Нэм екIур гуми йокIу.
• Нэм и узыр нахуэщи, гум и узыр щэхущ.
• Нэм илъагъур Iэм ещIэф/ещI.
• Нэм илъагъур щхьэм и уасэщ.
• Нэм псэр зыщIешэ, гум гур къреджэ.
• Нэм псэр и фыгъуэгъущ.
• Нэм пэжыжьэми гум пэблагъэщ.
• Нэм щIэлъыр Iугъуэм къыщIеху, гум илъыр фадэм къреху.
• Нэм щIэтыр псэм хуэдэщ.
• Нэмыс здэщымыIэм насыпи щыIэкъым.
• Нэмыс пщIымэ уи щхьэщ зыхуэпщIыжыр.
• Нэмысым насып къыдокIуэ.
• Нэмысыншэр насыпыншэщ.
• Нэмысыр лъэIукIэ къахьыркъым.
• Нэпкъым тетыр кхъуафэ хукIэкIэ Iэзэщ.
• Нэпсейр насыпыншэщ.
• Нэр делэщ, Iэр бланэщ.
• Нэрылъагъу щытхъу щIыбагъырыубщ.
• Нэрымылъагъу сату ящIыркъым.
• НэфIэ-гуфIэ и нэ дыщэ IуэнтIа щIэлъщ.
• Нэфым и нэм хихар и гум хелъхьэж.
• Нэфыр зыщIэхъуэпсыр нэ псощ.
• Нэхъыбэм ящIэр хабзэщ.
• Нэхъыжь зымыгъэлъапIэр, щхьэ лъэпIэгъуэ ихуэркъым.
• Нэхъыжь зэрымыс унагъуэм гъы макъ щыкуэдщ.
• Нэхъыжь кIэлъыджэркъым кIэлъокIуэ.
• Нэхъыжь нэмыс, нэхъыщIэ насып.
• Нэхъыжьым и лъэIур нэхъапэщ.
• Нэхъыжьыр гъэлъапIи, уи щхьэр лъапIэ хъунщ.
• Нэхъыжьыр щыуэмэ, нэхъыщIэм и мыгъуагъэщ.
• НэхъыжьыфI зиIэм нэхъыщIэфIи иIэщ.
• НэхъыщIэ нэхъ щIасэщ.
• НэхъыщIэм ищIыр гъэжьи, нэхъыжьым ищIыр шхы.
• Нэхыыжьым жантIэр ейщ.
• Пагэм и блыпкъ-блащхьэ къутэгъуафIэщ.
• Пагэр мэгыз. (Eksik)
• ПащIэ гъэлыгъуэ джэгу хэлъкъым.
• ПащIэм къимыхьар жьакIэм къихьыжыркъым/къихьынкъым.
• Пкъым пыт лыр мэуз.
• Псалъэ бзаджэ губзаджэщIщ, гурыщхъуэ щIыныр хуэмыхугъэщ.
• Псалъэ быдэ зимыIэм пэжыгъэ иIэкъым.
• Псалъэ дахэм гуауэр пщегъэгъупщэ.
• Псалъэ дахэм гъущIыр къегъэш.
• Псалъэ мышур шхын мышум хуэдэщ.
• Псалъэ щабэ гущабэщIщ.
• Псалъэм и пэр умыщIэмэ, и кIэр пщIэркъым.
• Псалъэм псалъэ покIуэжри, удыным удын покIуэж.
• Псалъэр бгъэувмэ выщи, бгъэтIысмэ цIэщ. (Eksik)
• Псалъэр бутIыпщамэ, аркъэн кIэлъумыдзыж.
• Псалъэр куэдрэ бгъэныщкIумэ, IэфI хъужкъым.
• Псалъэр куэдрэ жыпIэмэ, мэ щоу.
• Псэлъэрейм едэIуэгъуейщ.
• Псори арэзы зыщIа щыIэкъым.
• Псы икIыгъуэм унэмысу уи кIэр умыIэт.
• Псы Iуфэм Iycым псы икIыпIэр ещIэ.
• Псы Iуфэм Iусым икIыпIэр ещIэ.
• Псы Iуфэм Iусыр есыкIэкIэ Iэзэщ.
• Псым и жапIэр езым къегъуэтыж.
• Псым итхьэлэм блэм зрешэкI.
• Псым хэлъ мывитIрэ пэт зонтIэIу.
• Псымрэ мафIэмрэ IэубыдыпIэншэщ.
• Псынэ пэтрэ щIы щIагъым гъуэгу щещI.
• ПсынщIэу ипкIым кIэщIу къегъэзэж.
• Псыпэр зэрыжэм псыкIэри ирожэ.
• Псыр гъужми, жапIэр къонэ.
• Псыр гъужмэ, бдзэжьейм и ажалщ.
• Псыр псэм и зы ныкъуэщ.
• Псэ зиIэм ажал иIэщ.
• Псэ зыпыт къупщхьэм лы къытокIэж.
• Псэм хуабэ и щIасэщ.
• Псэр IэфIщ.
• Псэр зэхъуапсэр дахэщ.
• Псэр ящэри, напэ къащэху.
• Псэу лIа нэхърэ лIа псэу.
• ПфIэкIуэдам щхьэкIэ умыгъ, къэбгъуэтам щхьэкIи умыгуфIэ.
• Пхуэмыфащэ хьэлъэщ.
• Пхуэмыфащэ щауэгъу умыщI.
• Пхуэмыхьын иумыхьэжьэ, епхьэжьамэ нэхьэс.
• Пхуэфащэ зыщIи, итIанэ щIэлъэIу.
• ПхъащIэ Iэзэм мэзыр и благъэщ.
• Пхъур дыщасэ къыщыкIуэжкIэ, мывэ хъурейм зегъэпщкIу.
• Пхъэ мысрэ псы мывэрэ щыIэкъым.
• ПцIищэ нэхърэ зы пэж.
• ПцIы IэфI нэхърэ пэж дыдж.
• ПцIы бупсынумэ лIам телъхьэ.
• ПцIы зыупсыр щхьэщытхъущ, зызыгъатхъэр джэгуакIуэщ.
• ПцIы упсыным есар укIытэжкъым.
• ПцIым гур щIех.
• ПцIым лъакъуэ щIэткъым.
• ПцIыр згъэуващ жыпIэми, уи пащхьэ къоджэлэж. (Eksik)
• ПцIыупс и кIапсэ кIыхьщ.
• ПцIыупс пцIыупс едэIуэжкъым.
• ПцIыупсым и пэж закъуэр хьэм Iэпеч/фIешх.
• Пшхын уимыIэмэ щIым езауэ.
• Пшэ темылъу уэшх щыIэкъым.
• Пшэм уефийкIэ къэувыIэн, вым уегийкIэ гурыIуэн?
• ПщIэ псор жумыIэ, жаIэ псор зэгъащIэ.
• Пщащэр дэгъуэмэ, гъунэгъур и фызщIэгъущ.
• Пщэдджыжь хьэщIэр гъэхьэщIэгъуафэщ.
• Пщэдейрей ныбгъуэ нэхърэ нобэрей бзу.
• Пэ зыIэм кIэ иIэщ.
• Пэжым нэр ирещI.
• Пэжымрэ насыпымрэ зэгуэшэгъущ.
• Пэжыр дыщэм нэхърэ нэхъ лъапIэщ.
• Пэжыр джатэ щIагъым щIэлъщ.
• Пэжыр жыпIэным лIыгъэ хэлъщ.
• Пэжыр зи гъуазэм насыпыр и гъуэгущ.
• Пэжыр къыумыщIэу, унафэ тумыщIыхь.
• Пэжыр хущхъуэщ, пцIыр щхъухьщ.
• ПIалъэ мыщIыр жыжьэщи, пIалъэ щIар къос.
• Сабий зимыIэм имыIэIауэ къыщохъу.
• Сабий щIэхъуэпсым гущэпс ед.
• Сабийм адэ имыIэжмэ зеиншэкъым, анэ имыIэжмэ зеиншэщ.
• Сабийм и унафэр пащтыхьым и унафэм нэхърэ нэхъ ткIийщ.
• Сабырым и щIагъ дыщэ пщIащэ щIэлъщ.
• Сабийр мыгъмэ, быдз иратыркъым.
• Си хьэ дзакъэркъым, сиш уэркъым жумыIэ. (Eksik)
• Сымаджэр къанэри щIэупщIакIуэр лIащ. / Уэсым хэсыр къанэри хьэжыгъэм хэсыр лIащ.
• Сыщыджэлэнур сщIатэмэ, щхьэнтэ згъэтIылъынт. / Ущыджэлэнур пщIэтэмэ, упщlэ бгъэтIылъынт.
• Сэлам лей хъуркъым.
• СэмэркъауэкIэ нэ къраху.
• Сэр нэхъыфI умыгъуэтым, сыкъэшэж.
• Танэ лIам мэкъу Iэмбатэ здехь.
• Тутынафэ псори «зэшщ».
• Тхылъыр щIэныгъэм и IункIыбзэщ.
• Тхьэм къуимытар, и лIыкIуэм къуитын?
• ТхьэмыщкIагъэм «сынокIуэ» жиIэркъым.
• ТхьэмыщкIитI зэгъусэмэ, бей хуэдэу мэпсэу.
• ТхьэмыщкIэ тегушхуэгъуафIэщ.
• ТхьэмыщкIэм и фэр Iувщ.
• ТхьэмыщкIэм кIэщIри кIыхьри хохъу. / ЗимыIэм бдзы кIыхьри бдзы кIэщIри хуохъу.
• ТхьэмыщкIэм тхьэр хуэлъащ.
• Тэм тэ и цIэщи, щэм щэ и цIэщ.
• Тэнымрэ дэнымрэ зэхуэдэщ.
• ТIысыгъуэр тыншми, тэджыгъуэр гугъущ.
• ТIу шызэпсалъэкIэ, ещанэр лейщ.
• УтIумэ уз, узымэ ущыIахэп. / УтIмэ узщи, узмэ ущымыIэххэ пэлъытэщ. / ТIакъуэр (ТIур) закъуэ палъэщи, закъуэр (зыр) щымыIэж (лIа) пэлъытэщ.
• Уаерэ дзаерэ зэлъытащ.
• Уанэшымрэ дыгъужьымрэ зы бо щIагъэувэркъым.
• Уахыхьэныр Iуэхукъым, уакъызэрыхэкIыжын пщIэмэ.
• Убзэ зи хабзэм псалъэ и куэдщи, щхьэхынэм щхьэусыгъуэ и куэдщ.
• Угъуэщэн ухуэмеймэ зыплъыхь, ущыуэн ухуэмеймэ упщIэж.
• Удым и удыгъэр япэ ирегъэщ/кърегъэщ.
• Удын гуауэр мэгъущри, псалъэ гуауэр гъущыжкъым.
• Удын зэхэдзэ нэхърэ Iыхьэ зэхэдзэ.
• Удэмэ Iуданэ, убзэмэ бзыхьэхуэ.
• Уемыгупсысу псэлъэнри тумыгъэпсыхьу ууэнри зыщ.
• Уемыш, уемызэши уи Iуэху хъунщ.
• Уеуэмэ мэкъущ, уемыуэмэ къурэщ.
• Ужьмэ, жьы хуэдэ щыти, ущIэмэ, щIэ хуэдэ щыт.
• Уз бзаджащIэщ.
• Узейм лажьей къыхокI.
• Узигъусэм и фэ къуаплъ.
• Узижагъуэм и нэм бжэгъуу ущIоуэ.
• Узижагъуэм уеуб, узищIасэр къыпщотхъу.
• Узижагъуэм уфIэгъумщ.
• УзищIасэм и псэ ухуехь.
• УзыгъалIэ псори емынэщ.
• Узыгъэблагъэ гъэблэгъэжи, узыгъэбий гъэбииж. / Биижь умыгъэблагъэ, благъэжь умыгъэбий.
• Узыгъэжьым жьыгъэ Iыхьэ къыуитыжыркъым.
• УзыгъэтIыс уиубыжыркъым.
• Узылъыхъуэр лъапIэ мэхъу.
• УзымыIэтыну къудамэм утемыувэ.
• Узыр къэкIуэгъуафIэ щхьэкIэ, кIуэжыгъуафIэкъым.
• Узыр уэщынэкIэ къокIуэ, мастэнэкIэ мэкIуэж. / Лажьэр къэкIуэгъуафIэ щхьэкIэ, кIуэжыгъуейщ.
• УзыукIыр уи бийщи, ущIэзылъхьэжыр уи къуэшщ.
• УзыфI щыIэкъым.
• Узыфэр мыхъужмэ, ажал и хущхъуэщ.
• Узыхэфыжыну псым хьэ хыумыукIэ, иумыгъэкIыжыну фызым дзы хуумыус.
• Узыхуейм узыхуэмей къыхокI
• Узыхуэмыдэм уи уэрэд еус.
• Узыхьыну псым мывэ къыхэщу уолъагъу.
• Узыхэдэн щымыIэмэ, щыIэр къыхэх.
• Узэгугъур къогугъуж, узэлIалIэр къолIэлIэж.
• Узэджэр къокIуэ.
• УзэлъэIу къэгъани къолъэIу къашэ. / УзытелIэ нэхърэ къыптелIэ. / УзэлъэIу нэхърэ къолъэIу.
• Узэмыджа гуемыIущи узэуIу гъунэгъущ.
• УзэпэгэкIыр къопэгэкIыж. (Eksik)
• Узэрымыса бысым умыуб.
• Узэуэр къоуэж.
• Узэфыгъуэ къыптокIуэ.
• Узэчэнджэщын умыгъуэтмэ, уи пIыIэжьыр гъэтIылъи ечэнджэщ. / Узэчэнджэщын умыгъуэтмэ, уи пыIэ гъэтIыси ечэнджэщыж.
• Узэшмэ мафIэ, ушынэмэ гъусэ. (Eksik)
• Узэщэ нэхърэ узэтэ.
• Уи гур зыхуеIэм уи Iэр лъоIэс.
• Уи Iей щIэпхъумэу уифI умыгъэхьэкъуэ.
• Уи Iуэху гъэфIи IэфI уащыхъунщ.
• Уи Iэм ипэ уи щхьэр гъэлажьэ.
• Уи адэ и гъуэгужьрэ, уи адэ и благъэжьрэ умыбгынэ.
• Уи адэ и щIапIэ гъэдахэ, уи анэ дахэу епсалъэ.
• Уи анэ зэрымысым зыщыгъэпсэхуи, къикIыж.
• Уи анэ и Iэ илъым еплъи, уэ уи Iэ илъым едзакъэ.
• Уи анэ къимылъхуар уи дэлъхукъым/къуэшкъым, уи дэлъху къимышари/къуэшкъимыша уи нысэкъым.
• Уи благъэ и унащхьэ плъагъуу ублэмыкI. (Eksik)
• Уи благъэ къыуитым и дзэ удэмыплъэж.
• Уи благъэ уемыпэгэкI, уи бийм благъэ хуэхъунщ.
• Уи благъэжь къыбдищIэ щэхукIэ уи благъэщIэ дзыхь хуумыщI.
• Уи бынрэ уи благъэрэ умыбж.
• Уи гъунэгъум къыпхуимыщIэр жыжьэм къыпхуищIэнкъым.
• Уи гъунэгъур уи къуэшщи, къигунэгъур уи гъунэгъущ.
• Уи гъунэгъур уи Iэнэгъумэ, уехъулIащ.
• Уи гъунэгъур уи Iэпэгъумэ, уехъулIащ.
• Уи делэ бгъэкIуэмэ, уи Iуэху мэкIуэд.
• Уи делэ хьэщIапIэ умыгъакIуэ.
• Уи дахагъэм уримыпагэу, уи лэжьыгъэм ирипагэ.
• Уи жьэ зэсэмэ, уи нэмыс мэкъутэ.
• Уи жьэр инрэ уи щхьэр цIыкIумэ, уунэхъуащ.
• Уи кIуэдыр си кIуэдщ, уи къанэр си къанэщ.
• Уи кIэ зэрымыкIынум уи щхьэ иумыIу.
• Уи къамэ тIэу къыумых, уи псалъэ тIэу жумыIэ.
• Уи къару еплъи, уи хьэлъэ здэщтэ.
• Уи лъахъэр зыдыгъум уишри идыгъунщ.
• Уи лъэпкъ и тхыдэ пщIэжыныр насыпышхуэщ.
• Уи лъэпкъым хэплъи, уи джатэ гъэдалъэ.
• Уи насып зыхэлъым дыщэхъ тепхъуауэ уолъагъу.
• Уи ныбэ гъэгъу, уи гугъуфI егъэщI.
• Уи ныбэ къикIыр уи бынщи, уи лъэуей къелъэри уи джэдщ.
• Уи нысэ уи гу ебгъамэ, уи пхъу ешхыдэ.
• Уи нэ гъаплъи, уи лъэ гъэув.
• Уи нэм къеIэм и псэм еIэж.
• Уи псалъэ гъэIэси, уи нэмыс гъэбыдэ.
• Уи псалъэ гъэлъапIэ.
• Уи псалъэр гъэкIэщIи, гупсысэр гъэкIыхь.
• Уи пхъу зэрысрэ уи нысэ и дыщрэ.
• Уи пыIэкIэ къодауэми хабзэ хуэщIэ.
• Уи тIуанэ умыуб, уи бын ущымытхъу. / Уи гъунэгъу умыуб, уи благъэщIи ущымытхъу.
• Уи тепIэн еплъи, уи лъэр укъуэдий.
• Уи фыз лIамэ, уи щIэлъэныкъуэр гуэхуащ.
• Уи фызыр бзаджэмэ, хьэдагъэ умыкIуэ махуэ къэси уи хьэдагъэщ.
• Уи фызыр фIымэ, джэгу умыкIуэж махуэ къэси уи джэгущ.
• Уи хэкур лъэщмэ, уогушхуэ.
• Уи хьэ фIэпщ и цIэщ.
• Уи хьэсэпэр здынэсыр пщIэжын хуейщ.
• Уи хьэщIэри гъафIэ, уи къуэшри фIыуэ лъагъу.
• Уи щхьэ нумыпэсымкIэ нэгъуэщIым ухуэмыупсэ.
• Уи щхьэ зи жагъуэм, уи цIэ фIэIейщ.
• Уи щхьэ зыфIэмыIейм уи лъакъуи фIэIейкъым.
• Уи щхьэ темылъ тумылъхьэ.
• Уи щхьэ ущымытхъуж, уфIмэ укъалъагъунщ.
• Уи щхьэм иумыпэсымкIэ нэгъуэщIым ухуэмыупсэ.
• Уи щхьэ хуэпщIыжыр уи нэмысщ.
• Уи щIалэ зэрыбгъасэщ, уилI зэресащ.
• Уи япэкIэ мывэ хъурей бгъажэмэ, уIуощIэж/ухуозэж/ухуэзэжынщ.
• Уив лIамэ, уи дзей ухэкIыжащ.
• Уигу ирихьыр IэфIщ, фIыуэ плъагъур дахэщ.
• УкIытэ зиIэм насып иIэщ.
• УкIытэ зиIэм цIыхугъи иIэщ.
• УкIытэм цIыхур егъэдахэ.
• УкIытэмрэ нэхъуеймрэ цIыхугъэм и дамыгъэщ.
• УкъыщамыщIэм уфащэщи, укъыщацIыхум улъэпкъщ.
• Укъыщалъхуари зы махуэщ, ущылӀэжынури зы махуэщ.
• УкъэзыукIрэ укъизыгъэкIыжрэ.
• УлIмэ, уи щхьэ ущымытхъу, уфIмэ, жылэр къыпщытхъунщ.
• УлIмэ, улIэнуми уи псалъэ гъэпэж.
• УлIэу упсэу нэхърэ, утхъэу урелIэ.
• Улажьэмэ лыжь пшхынщ, умылажьэмэ лажьэ бгъуэтынщ.
• Улажьэу ушхэжын нэхъыфI щыIэкъым. / Умылажьэу пшхыр IэфI хъуркъым.
• УлъэIуэнри уIуеинри зэхуэдэщ.
• УмыгъэтIылъ къэпщтэжыркъым.
• УмылIэмэ зылI, улIэмэ зы мащэ.
• Умылъытэр уимыIэ пэлъытэщ.
• УмылъэIуауэ узэтэнур пщIэнукъым.
• Умылъэгъуам щыхьэт утемыхъуэ.
• УмыщIэ умыIуатэ яIуэта умыIуэтэж.
• УмыщIэм ущIэупщIэныр емыкIукъым.
• УнагъащIэ гужьеигъуафIэщ.
• УнагъащIэ хьэщIэхуэфIщ.
• Унагъуэ умыхъуу къуажэ зумыщI/ухъункъым.
• Унагъуэжьрэ пхъэжь мафIэрэ.
• Унэ зимыIэм унагъуэ иIэкъым.
• Унэ кIуэцIым нэмыс ущимыIэмэ, унэ щIыбым ущиIэххэнкъым.
• Унэвым уеуэмэ, мэзывым и бжьэ мэхъей.
• Унэкъуэщ хьэщIэ гъэфIэгъуейщ.
• Унэм я мыгъуэр я гъуощ. / Быным я мыгъуэр я гъуощ.
• Унэм зыщыгъаси, хасэм хыхьэ/яхыхьэ.
• Унэнум я хьэ удз ехъури, унэхъунум я нысэ мэдыгъуэ.
• Унэр зыгъэунэри благъэр зыгъэблагъэри фызщ.
• Унэр зэращIа уэщыжьыр щIыбым дадзэж/щIадзыж.
• Унэхъугъуэм дзыгъуэри мэятэ.
• Унэхъунум гуоуж макъ и тхьэкIумэ иIуэркъым.
• УпIащIэмэ уогувэ.
• Упсэумэ, пшхын бгъуэтынщ.
• Упсэуху уогугъэ.
• УпщIалэ и былым кIуэдыркъым.
• УпщIэ щIэщхъуркъым. / Чэнджащэ щыуэркъым.
• Ухеймэ, улъэщщ.
• УщIалэху уотхъэ.
• УщымытIыс ущыгушыIэкъым.
• Ущымытхъущэ пхуэубыжынкъым.
• Ущысу укъэзымылъагъум утэджкIэ/ущыткIи укъилъагъункъым.
• Уэгъум ихьар уэлбанэм къехьыжри, уэлбанэм ихьар уэгъум къихьыжыркъым.
• Уэдыр Iушэщи, пшэрыр дахэщ.
• Уэздыгъэр щыщIэбгъанэкIэ уи Iэпэр мафIэм исынкIи мэхъу.
• Уэлбанэр уэфI зэрыхъужыну цIыху бзаджэр фIы хъужащэрэт.
• Уэмым и ужьыр уаещи, уаем и ужьыр уэмщ.
• Уэнум баш егъуэт.
• Уэс щесам лъэужь щыIэщ.
• Уэсукхъуэр бзу цIыкIум къегъэхъей.
• Уэсэпс хуабэ мэшгъэкIщ.
• УэфIрэ лIыфIрэ хэт дэзэшын?
• УэфIрэ уэлбанэрэ я хьэкъ зэтенэркъым.
• УэфIым умыгъуэтыр, уейм бгъуэтыжыркъым.
• Уэшх блэкIам щIакIуэ кIэлъумыщтэж.
• Уэщым зиIэтыхукIэ жыгъым зегъэпсэху. / Уэщыр пIэтыху, пхъэм зегъэпсэху.
• УIэгъэ лъэужьыншэ хъуркъым.
• Фадэр зи ныбжьэгъум жып гъуанэ щIэтщ.
• Фадэм текIуа щыIэкъым.
• Фащэм я нэхъ дахэр укIытэщ.
• Фо нэхърэ жей нэхъ IэфIщ.
• Фор IэфI дыдэщ, зигу иримыхьым ишхыркъым.
• Фоч нэщI лIитI гъэшынэщ. (Eksik)
• Фыгъуэр мыгъуэ мэхъу.
• Фыз бзаджэ зиIэм и унэ умыкIуэ.
• Фыз бзаджэ лIыгъэжьщ.
• Фыз бзаджэ нэпсрыгуащIэщ.
• Фыз бзаджэ хьэщIэмыгъашхэщ.
• Фыз бий нэхърэ жылэ бий.
• Фыз быдэ илI хьэлэлщ.
• Фыз дахэ тхьэмахуэ фызщи, фызыфI ныбжьрей фызщ.
• Фыз жьейм лIыр щIэх жьы дохъу.
• Фыз закъуэм дэмыIэпыкъу лIыр лIыфIкъым.
• Фыз зимыIэ щIалэрэ шхуэ зыпщIэхэмылъ шырэ.
• Фыз улъыхъумэ, благъи дэлъыхъуэ.
• Фыз фэрыщI лIыгъапцIэщ.
• Фыз хуэмыху зиIэр насыпыншэщ.
• Фызабэм и бын епIыжри лIыгъуабэм и бын хуэпIыжыркъым. / ЛIыгъуабэм быныр ирепхъыхь, фызабэм быныр къещыпыж.
• Фызым езауэр фызщ.
• Фызым и фIыр лIыгъатхъэщ.
• Фызым игъэпуда лIыр зыми къыдихыжынкъым, ныбжьэгъум игъэпуда лIыр фызым къыдихыжынщ.
• Фызым насып къыдокIуэ.
• ФызыфI быдзышэ налъэ щыщIэкъым.
• ФызыфI зиIэ и гуауэ шэчыгъуафIэщ.
• ФызыфI зиIэм хъуэхъу и унэ илъщ.
• ФызыфI и хьэку ятIэ хьэзырщ.
• ФызыфI илI гъуэмылэншэ хъуркъым.
• ФызыфI илI нэкIущхьэплъщ.
• ФызыфI илI цIэрыIуэщ.
• ФызыфIым лIы Iейр добжьыфIэри фыз Iейм лIыфIыр добжьыгуэ.
• ФызыфIыр унэщи, фыз Iейр щIыунэщ.
• Фэдэн кIапэ шу егъэшэсыж.
• ФэрэкIым «Уи фэр схьын, хьэмэрэ уи нэр схьын?» жи.
• ФIы зылъэжьым и щхьэ хуещIэж, бзаджэ зылэжьым и щхьэ лей ирехыж.
• ФIы зыхуэпщIэм иумыхъуэныж.
• ФIы зыщIэ и ищIэ кIуэдыркъым.
• ФIы зыщIэ упщIэжрэ?
• ФIы зыщIэр фIы IуощIэжри, Iей зыщIэри Iей IуощIэж.
• ФIы щIэи, псым хэдзэ.
• ФIыгъуэм я нэхъыщхьэр зэгурыIуэщ.
• ФIылъагъуныгъэр къупщхьэ зауэм хуэдэщ.
• ФIым илъэгъуар еIуэтэж, Iейм итар жеIэж.
• ФIым уеджэмэ, фIы къокIуэ, мыгъуэм уеджэмэ, мыгъуэ къокIуэ.
• ФIым уригъусэмэ фIы уохъу, Iейм уригъусэмэ Ieй уохъу.
• ФIым фIыщIэ пылъщ.
• ФIыр зымыщIэм фIыщIэр зыуи къыщыхъуркъым.
• ФIыр мылIэу-мыкIуэду пщIэркъым.
• ФIыр умыцIыхумэ, нэхъ лъапIэр къыхэх.
• ФIыуэ зэрылъагъу зэкъуэшитI зэфIэбгъэкIуэдын плъэкIынукъым.
• ФIыуэ зэрылъагъуитIыр зы фэ джанэм зэдохуэ. / ФIыуэ зэрылъагъуитI зы хьэфэ джанэми зэдохуэ.
• ФIыуэ укъэзылъагъум уи дагъуэр уегъэлъагъуж, жагъуэу укъэзылъагъум уи нэ щIыбагъкIэ еIуэтэж.
• Хабзэ здэщымыIэм, укIытэ щыIэкъым.
• Хабзэ зимыIэм напэ иIэкъым.
• Хабзэжь хэкужь къранэркъым.
• Хабзэм къамэр ирегъэкIуэт.
• ХабзэмыщIэ емыкIухьщ.
• ХабзэмыщIэ жьантIакIуэщ.
• ХабзэмыщIэ хабзащIэ макIуэ.
• ХабзэмыщIэ щIыкIейщ.
• ХабзэмыщIэ щытхъухьым хьэгулывэм фо хекIэ.
• Хабзэр бзэгупэкIэ кърахьэкIыркъым.
• Хабзэр екIуращ.
• Хабзэр зэхалъхьэркъым, гъащIэм къыхокI. / Хабзэр зым къигупсыскъым, гъащIэм къыхокI. / Хабзэр къахутэркъым, гъащIэм къелъхур.
• Хабзэр зымыщIэр щхьэнэщIщ.
• Хабзэр убзэ зыфIэщIым хуэпщIэнум и ныкъуэр къегъанэ.
• Хабзэр убзэнкъым, акъылыр къалэнкъым. / Хабзэр убзэкъым, къалэныр Iулъхьэкъым.
• Хабзэр фIымэ, бзыпхъэфI трах.
• Хамэ ахъшэ зепхьэмэ, уи жыпыр гъуанэщ.
• Хамэ пщIэнтIэпс хъер хъуркъым.
• Хамэ хэку сыщытхъэ нэхъ си хэкужь сыщылIэ.
• Хамэхьэр къохьэри унэхьэ иреху.
• ХамэщIым насып щыIэкъым.
• ХэкIэ зымыщIэ и гъубжэ дзагуэщ.
• Хэку зимыIэм псори щIыIэ къыщохъу.
• Хэкужьыхьэ лъэщщ.
• Хэкум емыкIу къылъысмэ, къыщыж. (Eksik)
• Хэкум игъэгушхуэр хахуэ мэхъу.
• Хэплъыхь Iыхьэншэщ.
• Хэт нэхъ акъылыфIэ, жиIэу щыщIэупщIэм, цIыхум ечэнджэщыр акъылыфIэщ, жиIащ.
• Хейм гыбзэр хуэлъашэщи, зыгъэшыфым хуэбатэщ.
• Хейм гъуэгу егъуэт.
• Хейм и лъыр хамэм ещIэж.
• Хущхъуэри ебгъэлеймэ, щхъухьщ.
• Хуэмыху и Iуэху блэкIыркъым.
• Хуэмыху унафэ щIынкIэ Iэзэщ.
• Хуэмыхум зимыгъазэурэ мазэр къуохьэж.
• Хышхуэ пэт ткIуэпс-ткIуэпсу зэхэтщ.
• Хъан техьэгъуэ текIыгъуэщ.
• Хъуапсэ и псэ кIуэдкъым.
• ХъумпIэцIэджым и кIуэдыжыгъуэм дамэ къытокIэ.
• Хъушэм къакIэрыхуа мэлыр дыгъужьым пэщIохуэ.
• Хъыбар щIэупщIэ хъыбар ещIэ.
• ХъыбарыфIри хъыбарщ, хъыбар Iейри хъыбарщ.
• Хъыджэбз къапшэмэ, уэ зэрыбгъасэщи, пхъужь къапшэмэ, зэресагъэххэщ.
• Хьэ бзаджэ тIысыпIэншэщ.
• Хьэ пэтрэ дахэ и щIасэщ.
• Хьэ хыжыгъуэм аргъуейр мэятэ.
• Хьэджафэ банэркъым, лъхукъуэщо хъуанэркъым.
• Хьэдрыхэ кIуэрэ, и дыщ кIуэжрэ яубыдыркъым.
• Хьэдэр зейр кхъаблэпэщ.
• Хьэдэр куэдрэ зепхьэмэ мэ щоу, Iуэхур куэдрэ зепхьэмэ мэлъахъэ.
• ХьэкIэкхъуакIэрэ пэт и шырыр дзапэкIэ кърехьэкI. / Хьэ пэтрэ и шырыр дзапэкIэ зэрехьэ.
• Хьэ вейм улъыхъуэмэ, лъапIэ мэхъу.
• Хьэм вакъэ щыптIагъэмэ щешхыкIыж.
• Хьэм ебгъэшх текIуадэркъым.
• Хьэм ептыр и Iыхьэщ.
• Хьэм зэдзэкъэнур ещIэ.
• Хьэм и губжь кхъуэм щехьэ.
• Хьэм и кIэм утеувэмэ, къодзакъэ.
• Хьэм и щхьэр узмэ удз ешх, блэм и щхьэр узмэ гъуэгум тогъуалъхьэ.
• Хьэм икIэм псы нэмысу, есыкIэ ищIэркъым.
• Хьэм къупщхьэкIэ уеуэкIэ гъыркъым.
• Хьэм уеуэмэ, нэхъей мэхъу.
• Хьэм ущышынэмэ, уи нэкIэ укъещIэ.
• Хьэм хуэмышх кхъуэм иригъэшхыркъым.
• Хьэмэшыпхэ благъэщ.
• Хьэндыркъуакъуэр зи анэми «Си анэр гуащэщ» жеIэ. (Eksik)
• Хьэр и бзэгукIэ зоIэзэж.
• Хьэр улэунумэ, мэкъушэм ядокIуэ.
• Хьэр унэ тхьэкIумэщ.
• Хьэрэ пэт и къуажэжь ибгынэркъым.
• Хьэрэ пэт мэлыр хъущэм хехуэж.
• Хьэфэм фо из хъумэ, зэгуотхъ.
• ХьэфI дэплъейр хьэфI мэхъури, шыфI дэплъейр шыфI мэхъу.
• ХьэщIапIэ укIуэн уфIэфIмэ, хьэщIэу къыпхуэкIуэр гъафIэ.
• ХьэщIапIэ ущыIэмэ, къыпхуащI уи унафэщ.
• ХьэщIапIэр фIыми, уи унэжь нэхъыфIыжщ.
• ХьэщIапIэрынэр емыкIущ.
• ХьэщIэ гъунэгъу нэхърэ хьэщIэ жыжьэ нэхъ лъапIэщ.
• ХьэщIэ здэщыIэм хэгъэрей щыIэщ.
• ХьэщIэ зи жагъуэм лыхуэ хуегъажьэ.
• ХьэщIэ къакIуэ щыIэ щхьэкIэ, хьэщIэ гъэкIуэж щыIэкъым.
• ХьэщIэ къакIуэм, насыпи къыдокIуэ.
• ХьэщIэ къакIуэмэ, хэгъэрейр мэгуфIэ.
• ХьэщIэ къэкIуэнущ жыIи гъэтIылъ, куэдрэ щылъа жыпIэу умышх.
• ХьэщIэ лей щыIэкъым.
• ХьэщIэ мыгъашхэ цIэрыIуэщ.
• ХьэщIэ щIалэ щыIэкъым.
• ХьэщIэм и ерыскъыр къыдокIуэ. / ХьэщIэм насып къыдокIуэ.
• ХьэщIэм и щхыр езым и Iыхьэщ.
• ХьэщIэр бгыкъум думыгъэплъей.
• ХьэщIэр бысымым и гъэрщ.
• ХьэщIэр гъафIэ, цIыхуфIыр лъытэ.
• ХьэщIэр жэщищ исмэ, быным ящыщ мэхъуж.
• ХьэщIэр куэдрэ щысмэ, бысымыр йозэш.
• ХьэщIэр мэлым нэхърэ нэхъ Iэсэщ. / ХьэщIэр мэшым нэхърэ нэхъ Iэсэщ.
• ХьэщIэр нэщхъеймэ, бысымым и ягъэщ.
• ХьэщIэр хущхьэрей хъумэ, гъашхи гъэгъуэлъыж.
• ХьэщIэр хьэзыр щхьэкIэ, бысымыр хьэзыр?
• ХьэщIэр шхэмэ, бжэм йоплъ.
• ХьэщIэу къыпхуэкIуамэ, уи жагъуэгъури ныбжьэгъущ.
• Цы Iуданэм вы егъэлъэпэрапэ.
• ЦIыкIуу къамылъху ин хъуркъым.
• ЦIыху Iущыр дунейм ехыжми абы жиIар къонэ.
• ЦIыху псори зэдепщэмэ, борэнышхуэу къепщэнт.
• ЦIыхубзым и щхьэцыр кIыхьщ ауэ и акъылыр нэхъ кIыхьыжщ.
• ЦIыхугъэ зиIэм жагъуэгъуи иIэщ.
• ЦIыхугъэншэм удэпсэу нэхърэ цIыхугъэ зиIэм удэкIуэд.
• ЦIыхум гущIэгъу иIэн хуейщ.
• ЦIыхум зы жьэщ иIэр, тхьэкIумитI тетщ.
• ЦIыхум къамыщIэ щэху щыIэкъым.
• ЦIыхум и ныбэр и бийщ.
• ЦIыхум и нэр къабзэмэ, игури къабзэщ.
• ЦIыхум и цIэр езым зыфIещыж.
• ЦIыхум фIыуэ къалъагъур насыпыфIэ мэхъу.
• ЦIыхум я фэр зэрызэхуэмыдэм хуэдэу, я гури зэхуэдэкъым.
• ЦIыхуфI гъэпцIэгъуафIэщ.
• ЦIыхуфI и Iэнэ хьэзырщ.
• ЦIыхуфI и тIысыпIэ хьэзырщ.
• ЦIыхуфэр Iувщ. (Eksik)
• ЦIыхур здынэмыс щыIэкъым.
• Чыри бгъэкIмэ, бжэгъу мэхъу.
• Чэзу зимыIэ щыIэкъым.
• Щхьэ къуийм и лажьэ щхьэ псэум ищIэркъым.
• Щхьэгъусэр насып зэхэгъэкIыпIэщ.
• Щхьэж хуэфащэ и щауэгъущ.
• Щхьэж и ныбжьэгъу и гъуджэ-мажьэщ.
• Щхьэхынэ жейнэдщ.
• Щхьэхынэм ив лIэмэ лыщ, игу къутэмэ пхъэщ.
• ЩхьэзыфIэфI лъагъугъyейщ.
• Щхьэзэм уэ фIэкI, губзыгъэр езыр къыпфIэкIынщ.
• ЩхьэкIуэм щIакIуэ уегъэщI.
• ЩхьэлыкIыр зыхьри мэгурым, щхьэл мывэр зыхьри мэгурым.
• Щхьэм имылъмэ, лъакъуэм и мыгъуагъэщ.
• Щхьэмыуз пIэщхьагъ тезагъэрэ?
• Щхьэр псэумэ пыIэ щыщIэркъым.
• ЩхьэтепIэ зимыIэ псыр мэуфIей.
• ЩхьэтепIэншэ къабзэ хъуркъым.
• Щхьэхынэм и махуэ кIыхьщ.
• Щхьэхынэр тэджмэ, псыбафэр куэд мэхъу.
• Щхьэщытхъу псори пцIыупсщ.
• Щхьэщытхъурэ къэрабгъэрэ зэблагъэщ.
• ЩыIэкIей кIуэдыжыкIейщ.
• Щыгъын хьэху нэхърэ щыгъын фаджэ.
• Щыгъынибгъу нэхърэ теубгъуэн.
• ЩыкIыр икIэ мэхъу.
• Щымахэм щызэпоч.
• Щымыуэну акъыл, щымыщIэну былым.
• ЩымыIэ умылъыхъуэ, къыплъыхъу умыгъэпуд.
• Щынащхьэ плъагъумэ гъэмахуэщи, Iэтащхьэ плъагъумэ щIымахуэщ.
• Щысым и Iыхьэр кIуэм къехь.
• ЩытхъукIей нэхърэ убыкIафIэ.
• Щыхьым и бжьэр и бийщ.
• ЩыщIэ нэхърэ мащIэшх.
• Щэныншагъэр узщи, Iэзэгъуэ зимыIэр делагъэщ.
• Щэрэ зэхэпх нэхърэ зэ плъагъумэ, нэхъыфIщ.
• Щэху гуэр зимыIэ щыIэкъым.
• Щэху зыхуэмыущэхур лIы ныкъуэщ.
• ЩIакIуэ ныкъуэщIыр щыгъынкъым.
• ЩIакIуэ щIагъым лIы къыщIокI. / Бацэжь и щIагъ лIыхъужь къыщIокI.
• ЩIакIуэр лIым и унэщ.
• ЩIалэ гурэпкIырэ нэхърэ лIыжь гупсэхуфI.
• ЩIалэ гъакIуи кIэлъыкIуэж.
• ЩIалэу фыз къегъашэ, пасэу джэд кърегъэш.
• ЩIалэр гъыуэрэ лIы мэхъури, лIыжьыр щэIуурэ малIэ.
• ЩIалэм ебгъэлъагъур и гъуэгущ.
• ЩIалэм къижыхьмэ, лIыжьым и лъэдий мэуз.
• ЩIопщыкъурэ пэт жьы еубыд.
• ЩIы фIыцIэм щIэмыхьэжын щыIэкъым.
• ЩIы нэхъ хьэлъэ щыIэкъым.
• ЩIы пшэр и хьэдзи пшэрщ.
• ЩIыбырыхь нэхърэ ныбэ хьэлъэ.
• ЩIыхуэр бгъууэ къэпщтамэ, пщIыуэ етыж.
• ЩIым зы ептмэ, щэ къыуетыж.
• ЩIым къыхэмыщ мывэр пхъэIэщэм и бийщ. / Мывэ къыхэмыщыр пхъэIэщэм и бийщ.
• ЩIымахуэм умыщIа гъэмахуэм бгъуэтынкъым, гъэмахуэм умылэжь щымахуэм уиIэнкъым.
• ЩIыпIищ нэщIу ялъытэ; псы зыдэмыт псыхъуэ, къэкIыгъэ зэрымыт губгъуэ, лIы зыщхьэщымыт фыз.
• ЩIыр зыхъумэр къехъумэж.
• ЩIэныгъэ зэгъэщIэныр псыкъуий мастэкIэ къэптIыным хуэдэщ.
• ЩIэныгъэрэ IэщIагъэрэ зэкъуэшщ.
• ЩIэр жьы мэхъури жьыр щIэ хъужыркъым.
• ЩIэр къокIуэ, жьыр мэкIуэж.
• ЩIэр къэхъунум щIэнэцIурэ жьы мэхъу, жьыр блэкIам щIэнакIэурэ мэлIэж.
• ЩIэщыгъуэр икIри зэрыукIыр къихьащ.
• Шихури кIыхьышхуэу докIей.
• ШкIахъуэ пщыIэрэ пэт нэхъыжь яIэщ.
• ШкIэплъ зытелъ нэхърэ дагъэ зытет.
• Шу гупыр зэдилъмэ, щхьэж игу илъ ещIэж.
• Шу хьэщIэр ягъэшэсыж, лъэс хьэщIэр пщIантIэм дашыж.
• ШхуэмылакIэр зыхуэмыIыгъым шыкIэр еубыд. / Шыщхьэр пIэщIэкIамэ, шыкIэм укIэлъымыбэнэж.
• Шы зиIэр къанэри, уанэ зиIэр кIуащ.
• Шы тесыкIэ зымыщIэм уанэр екъутэ.
• Шы хьэху уэсэпс трагъахэркъым.
• Шыгъу зышхар, псы йофэж.
• Шыгъу-пIастэм хьэтыр иIэщ. / Шыгъу-пIастэм уемылъэпауэ.
• Шыдрэ пэт илъэсым зэ мэфтрей.
• Шыдыгъу хабзэрэ дыгъужь хабзэрэ зэтохуэ.
• Шыдым телъ хьэлъэр къыдырым ищIэркъым.
• Шыдым и хьэлъэ ирикъумэ, мэкIуэр.
• Шым дамэ тету зылъагъур блэращи, блэм лъакъуэ щIэту зылъагъур шыращ.
• Шым еуи дыхьэ, елъэдэкъауи къыдэкIыж.
• Шым ехуэхым ныбэпхым трелъхьэ.
• Шым и лъакъуэ и бийщ.
• Шынэ зыдэщымыIэм укIытэ щыIэкъым.
• Шынэм макъ егъэIу.
• Шынэр и унэ мэкIуэж.
• Шыпхъум и гур дэлъхумкIэ гъэзащ.
• Шыпхъуншэ нэхърэ шыпхъу нэф.
• Шыр пщIантIэмэ, уанэр екIужыркъым.
• Шыр тесым егъэдахэ.
• Шыр щыгъажэм, жырыр мывэупцIэм, цIыхур лэжьыгэм щагъэунэхур.
• Шыу щтар куэдрэ умыху.
• Шыуаным илъыр зымышхыжынур гуэным илъым тогyжьеикI.
• ШыфIрэ выфIрэ псыбафэкъым.
• ШыфIыр езэшмэ, пырхъалэщ.
• ШыфIыр ныбжьэгъуфIым хуэдэщ.
• Шыц уэсыр къесу узэрысым уимыкI.
• ШыщIэ къамылъхуам уанэ хузэщIумылъхьэ.
• Шэм зэхэгъэж ищIыркъым.
• Шэм исар шхум йопщэ.
• Шэрэ лъырэ зэхакIэркъым.
• Шэс псори шyкъым.
• Шэхур хуабэу яхуз, фызыр щIалэу ягъасэ.
• Яжьэм фIамыщI и тесэнщ.
• Ямыгъэпхъу пхъукIэ ищIэркъым.
• ЯмыгъэIу зэхахыркъым.
• Ямылъэгъуа бланэ яукIыркъым, зэхамыха псалъэ яIуатэркъым.
• Ямыубри бэным дэлъри зэхуэдэщ.
• Япэ лIар япэ ирах.
• Япэ лIэм джэбыныр ейщ.
• Япэ узрихьэлIэр шхыныфIщ.
• ЯукIынури ягъэпсэлъэж.
• Яхутемыхьэ яхутекIыжыркъым.
• Яхэмыхьэ хабзэншэщ.
• Iыхьлы делэ напэтехщ.
• Iыхьлыр IэфIщ.
• IитIкIэ Iэ зубыдым щIыбагъ псалъэ и куэдщ.
• Iуащхьэм япэ дэкIар япэ къохыж.
• Iупэр напэм и хашэщ.
• Iущ и акъыл и гъуэмылэщ.
• Iущыр щэ мэчэнджащэ.
• IуэрыIуатэр хабзэжьщ.
• IуэрыIуатэ нэхърэ нэрылъагъу.
• Iуэху щIэкIэ зымыщIэр Iуэху щIэным егъалIэ.
• Iуэху мыублэ блэ хэсщ.
• Iуэху пщIыр Iуэху мэхъу.
• Iуэху убла зимыIэм Iуэху щIа иIэкъым.
• Iуэху цIыкIури Iуэхущ, Iуэху инри Iуэхущ.
• Iуэхум игъэлIа щыIэкъым.
• Iуэхум и пэр умыщIэмэ, и кIэр пщIэркъым.
• Iуэхуншэ псэлъэрейщ.
• Iуэхур жыIэгъуафIэ щхьэкIэ щIэгъуафIэкъым.
• Iуэхур зэрыпщIщ.
• Iуэхутхьэбзэм бзыпхъэ иIэщ. / Дэтхэнэ зы Iуэхутхьэбзэми бзыпхъэ иIэщ.
• Iуэхухутэ ялIыркъым, лIыкIуэ яукIыркъым.
• Iэзэгъуэ зимыIэ узыгъуэ щыIэкъым.
• Iэм имыщтэ кIуэдыркъым.
• Iэмалрэ хьилэрэ акъылщ.
• Iэнэм и пэри и кIэри хъуэхъущ.
• Iэрымылъхьэм щIэнэцIурэ и нэцIакIэр щIэгъуащ.
• Iэр бутхыпщIкIэ, Iэбжьанэр пыхурэ?
• Iэрэ жьэрэ зэблэкIыркъым.
• Iэхъуэ и баш и чэнджэщэгъущ.
• Iэпхуамбитхурэ пэт зэхуэдэкъым.
• IэщIагъэншэм и шэрхъ лъэныкъуабэщ.
• Iэщми уедэхащIэмэ, фIэфIщ.
• Iэщэ дэгъуэp гъусэфIщ.
• Iэщыр зезыхьэм ейщ.
• Iэщэр зыгъэIэщэр лIыгущ.

Статистикэ

• Aydın, Şamil Emre (2023), Çerkes Atasözleri, ISBN 9786056569128