Пабло Пикассо

Къыздихар Уикипедиэ
Мыбы кӀуэн: навигацэ, лъыхъуэн
Пабло Пикассо
эсп-бз. Pablo Picasso
Сурэт
И лэжьыгъэр: художник
Къыщыхъуар: 1881 жэпэуэгъуэм и 25
Къыздэхъуар: Малага, Эспаниэ
Дунем щехыжьар: 1973 мэлыжьыхьым и 8
Дунем здехыжьар: Мужен, Фрэндж
Signatur Pablo Picasso

Пабло Пикассо (эсп-бз. Pablo Picasso, и цӀэр псоуэ — Па́бло Дие́го Хосе́ Франси́ско де Па́ула Хуа́н Непомусе́но Мари́я де лос Реме́диос Сиприа́но де ла Санти́сима Тринида́д Марти́р Патри́сио Руи́с и Пика́ссо, эсп-бз. Pablo Diego José Francisco de Paula Juan Nepomuceno María de los Remedios Cipriano de la Santísima Trinidad Martyr Patricio Ruíz y Picasso) — эспан художник, кубизмыр къэзгъэжьахэм ящыщ.

Гъашъэм и тхыдэр[гъэтэрэзын]

Малага къалэм Эспаниэм къэхъуа. И сэбиигъуэм къыщыкӀэдзауэ лэчтхыгъэм пылът. Илъэс 13 щыхъуам Барселонэ и арт Академиэм кӀохьэ. 1897 гъэм Пикассор Мадрид ягъакӀуэр, Мадрид и академиэ «Сан Фернандо» кӀэхьэн шъхьэкӀэ, Эспаниэм и нэхъ цӀэрыӀуэ академиэ артымкӀэ.

И япэрей лъэжьыгъэ нэхъ цӀэрыӀуэхэм ящыщыр - «Япэрей Еухаристиэ» (1896), «Автопортрет» (1896), «Анэм и сурэт» (1896).

1900 гъэм Пикассо Париж йожьэ, 1900-1904 гъэхэм я зэманыгъуэм Пикассо и «Лэжьыгъэм и шхъуантӀэху зэману» йоджэхэр - и лэчтхыгъэхэм я фэхэр нэхъ гъубджу мэхъухэр, шхъуантӀэхурэ шхъуантӀэрэ куэду яхилъхьу («Гъашъэ» (1903), «Нэфым и пщэджыжьышхэ» (1903), «Мы бэгъуа шхын» (1904), «АбсентлъагъукӀуэ» (1901), «Лъагъунлъагъу» (1902), «Анэмрэ и сабимрэ» (1903), «ЛӀыжъ факъырэрэ кӀалэцӀыкӀурэ» (1903), «Ятутедзэ» (1904), «НэрыбгитӀ» (1904).)

1904-1906 гъэхэм я зэманыгъуэм зэреджэр «Плъыжьыху зэман» - а бым щыгъуэ нэхъ фэ къуэлэнхэр къэгъэсэбэп («КӀалэцӀыкӀу шы зычэр» (1906), «ПшъашъэцӀыкӀурэ бджэнрэ» (1906), помыкӀхэр джоуэ).

1907 гъэм Пикассо цӀэрыӀуэ хъуа «Авинион пшъашъэхэр» етх. А лэчтхыгъэм къыщежьа кубизымыр. «Кубизым» зэманыгъуэр зэргуэчыр 1909 кӀэдзауэ 1917 нэс («Бидонрэ чынакъхэмрэ» (1908), «Бзылъхугъыщ» (1909), «Бзылъхугъэ жьыху зыӀыгъ» (1909), «Амбруаз Воллар и сурэт» (1910), «Хорта де Сан Хуан дэт фабрикэ» (1909), «Фернанда Оливие и сурэт» (1909), «Канвейлер и сурэт» (1910)). Куэдхэм кубизымыр ягухэм яримыхьу щытами Пикассо и лэчтхыгъэхэр фӀыуэ ящэхут.

1925-1936 гъэм сурреализм зэманыр кӀедзэ Пикассо и лэжьыгъэхэм («Кабинэр зэӀузых бзылъхугъэ» (1928), «ПсыӀуфэм Ӏутхэр» (1931), «Гъагъэ зыӀыгъ бзылъхугъэ» (1932) пэмыкӀхэр).

1937 гъэм джылэ зауэ Эспаниэм щекӀуэкӀтэм, Пикассо и цӀэрыӀуэ лэжьыгъэ «Герника» етхыр. ЕтӀоанэ дунейпсо зауэм Пикассо Фрэнджым щыпсоуа, абдежьым фрэндж Пэщытыныгъэм и тхьэмадэхэм я нэӀуасэ мэхъур.

1973 мэлыжъыхьым и 8 Пабло Пикассо дунем ехыжьа, Мужен калэм (Фрэнджым)

Сурэтылъэ[гъэтэрэзын]

ТехьэпӀэхэр[гъэтэрэзын]